சற்றுமுன்...! 3 படகுகளுடன் 21 தமிழக மீனவர்களை கைது செய்த இலங்கை கடற்படை...!

நெடுந்தீவு அருகே மீன் பிடித்துக் கொண்டிருந்த ராமேஸ்வரம் மீனவர்களை, எல்லை தாண்டிமீன் பிடித்ததாகக் கூறி 3 படகுகளுடன் 21 மீனவர்களைச் சிறைபிடித்த இலங்கை கடற்படையினர்.

ராமேஸ்வரத்தில் இருந்து 21 மீனவர்கள் படகில் கடலில் மீன்பிடிக்க சென்றனர். அவர்கள் இலங்கை நெடுந்தீவு அருகே மீன் பிடித்துக் கொண்டிருந்தபோது அப்பகுதியில் ரோந்தில் ஈடுபட்ட இலங்கை கடற்படையினர் எல்லை தாண்டி மீன்பிடிப்பதாக கூறி தமிழக மீனவர்களை சுற்றி வளைத்து கைது செய்தனர். மேலும் அவர்களின் படகையும் இலங்கை கடற்படை பறிமுதல் செய்துள்ளது.

விசாரணைக்காக இலங்கையில் உள்ள காங்கேசன் கடற்படை முகாமிற்கு அவர்கள் அழைத்து செல்லப்பட உள்ளனர். இதனால் 21 மீனவர்களின் குடும்பத்தினர் கவலையில் ஆழ்ந்துள்ளனர். இலங்கை கடற்படையால் கைது செய்யப்பட்ட மீனவர்களையும் அவர்களின் படகையும் மீட்க மத்திய அரசும், தமிழக அரசும் முயற்சிகள் மேற்கொள்ள வேண்டும் என மீனவர்களின் குடும்பத்தினர் வேண்டுகோள் விடுக்கின்றனர்.