துப்பாக்கியை தக்கவைத்த சிவகார்த்திகேயன்..!! அமரன் முதல் நாள் வசூல் மட்டும் இத்தனை கோடியா..

சிவகார்த்திகேயன், சாய் பல்லவி நடித்துள்ள 'அமரன்' திரைப்படம் திரையரங்குகளில் வெளியாகி மாபெரும் வரவேற்பை பெற்றுள்ளது. ராணுவ வீரரின் வாழ்க்கை வரலாறு அடிப்படையிலான இத்திரைப்படம் வெளியான முதல் நாளிலேயே தமிழகத்தில் வசூல் சாதனை படைத்துள்ளது. மேஜர் முகுந்த் வரதராஜன் வாழ்க்கையை  அடிப்படையாகக் கொண்ட இப்படம் விமர்சன ரீதியாகவும் வரவேற்பை பெற்றுள்ளது.

சிவகார்த்திகேயன் இந்த படத்தில் 'முகுந்தன்' என்ற கதாபாத்திரத்தில் ராணுவ வீரராக நடித்துள்ளார். மறைந்த மேஜரின் மனைவி இந்து ரெபேக்கா வர்கீஸ் வேடத்தில் சாய் பல்லவி நடிக்கிறார். கமல்ஹாசனின் ராஜ்கமல் நிறுவனம் இப்படத்தை தயாரித்துள்ளது. இந்த படத்தின் பெரும்பாலான காட்சிகள் காஷ்மீரில் படமாக்கப்பட்டுள்ளன. இந்த படத்தில் புவன் அரோரா, சுரேஷ் சக்கரவர்த்தி, ஸ்ரீகுமார் உள்ளிட்டோர் நடித்துள்ளனர்.

இத்திரைப்படம் தீபாவளி பண்டிகையை முன்னிட்டு நேற்று உலகம் முழுவதும் கிட்டத்தட்ட 900-க்கும் அதிகமான திரையரங்குகளில் வெளியானது. தமிழகம் முழுவதும் ரசிகர்கள் பட்டாசுகள் வெடித்தும், நடனமாடியும் அமரன் திரைப்படத்தின் முதல் காட்சியினை கண்டு களித்தனர்.

Sacnilk.com தரவுகளின் அடிப்படையில் உள்நாட்டு சந்தையில் வெள்ளிக்கிழமை, அமரன் திரைப்படம் ரூ.21.21 கோடி வசூலித்துள்ளது. தமிழ்நாட்டில் இப்படம் முதல் நாளில் ரூ.15 கோடி வசூலித்துள்ளதாக கூறப்படுகிறது. உலகம் முழுவதும் நேற்று ஒரே நாளில் 34 கோடி ரூபாய் வசூல் செய்துள்ளது. நடிகர் தனுஷ் நடிப்பின் வெளியான அசுரன் திரைப்படத்தை விட முதல் நாள் வசூலில் நேற்று அமரன் திரைப்படம் சாதனை படைத்துள்ளது. 

Read more ; ஷாக்…! முத்திரைத்தாள் ஆவண கட்டணங்கள் ரூ.200 ஆக உயர்வு…! முழு விவரம் இதோ