வெள்ளிக் கோயில், தங்கச் சிலைகள்!. ஆனந்த் அம்பானி-ராதிகா-வின் திருமண அழைப்பிதழ் வைரல்!. கலாச்சார பிரமாண்டம்!.

Anand Ambani-Rathika: இந்தியாவின் மிகப் பெரிய பணக்காரரான முகேஷ் அம்பானியின் மகன் ஆனந்த் அம்பானி மற்றும் ராதிகா மெர்ச்சன்ட்டின் முதல் திருமணத்திற்கு முந்தைய நிகழ்வு குஜராத்தின் ஜாம்கரில் மார்ச் 1 முதல் 3 வரை உலகளவில் கவனத்தை ஈர்த்தது. இந்த நிகழ்வில் இந்தியா மற்றும் வெளிநாடுகளில் இருந்து பிரபலங்கள் கலந்து கொண்டு விழாவை மறக்க முடியாததாக மாற்றினர்.

ஆனந்த் அம்பானி மற்றும் ராதிகா மெர்ச்சன்ட் திருமண விழாக்கள் பல மாதங்களாக நடந்து வந்தது. இந்த தொடர் மார்ச் முதல் வாரத்தில் குஜராத்தின் ஜாம்நகரில் திருமணத்திற்கு முந்தைய விழாவுடன் தொடங்கியது ஜாம்நகரில் நடைபெற்ற திருமணத்திற்கு முந்தைய விழாவில் இந்தியா மற்றும் உலக பிரபலங்கள் பலர் கலந்து கொண்டனர். ஃபேஸ்புக் தலைமை நிர்வாக அதிகாரி மார்க் ஜுக்கர்பெர்க், மோர்கன் ஸ்டான்லி தலைமை நிர்வாக அதிகாரி டெட் பிக், வால்ட் டிஸ்னி தலைவர் பாப் இகர், மைக்ரோசாப்ட் நிறுவனர் பில் கேட்ஸ் என பலர் கலந்துகொண்டனர்.

ஆனந்த் அம்பானி மற்றும் ராதிகா மெர்ச்சன்ட் திருமணம் ஜூலை 12 என நிர்ணயம் செய்யப்பட்டுள்ளது. இருப்பினும், அதன் பிறகும் திருமணம் தொடர்பான சடங்குகள் தொடரும். திருமஞ்சனம் முடிந்து ஜூலை 13-ஆம் தேதி சுபநிகழ்ச்சிகளுக்கும், ஜூலை 14-ஆம் தேதி மங்கள உற்சவ் நிகழ்ச்சிகளுக்கும் ஏற்பாடு செய்யப்பட்டுள்ளது. திருமண அட்டைகள் உள்ள பெட்டியில், ஒவ்வொரு விழாவிற்கும் வெவ்வேறு அட்டைகள் கொடுக்கப்பட்டுள்ளன.

அந்தவகையில், இவர்களது திருமண அழைப்பிதழ் மிக பிரமாண்டமாக தயார் செய்யப்பட்டுள்ளது. சமூக வலைதளங்களில் வைரலாகி வரும் வெட்டிங் கார்டில் வடிவமைப்பு பண்டைய இந்து கோவில்களால் ஈர்க்கப்பட்டுள்ளது மற்றும் தங்கம் மற்றும் வெள்ளி போன்ற விலைமதிப்பற்ற உலோகங்கள் இதில் பயன்படுத்தப்பட்டுள்ளன.

திருமண அழைப்பிதழ் பெட்டி வடிவில் இருப்பது வீடியோவில் தெரிகிறது. பெட்டியைத் திறந்தால், பழங்காலக் கோவிலின் பிரதி போல் தெரிகிறது. முதலில் இரண்டு கதவுகள் உள்ளன. அவற்றைத் திறந்த பின் கதவு ஆனந்த் அம்பானி மற்றும் ராதிகா மெர்ச்சண்ட் வாழ்க்கையில் ஒரு புதிய தொடக்கத்தின் அடையாளமாக காட்டப்பட்டுள்ளது.

கதவைத் திறந்தவுடன் வெள்ளியால் ஆன கோயில் ஒன்றும், அதில் தங்கத்தால் ஆன சிலைகள் இருப்பதும் தெரிகிறது. அட்டையின் உள்ளே விநாயகர், விஷ்ணு, லக்ஷ்மி, ராதா-கிருஷ்ணர், துர்க்கை போன்ற தெய்வங்களின் படங்கள் உள்ளன. திருமண அட்டையுடன், அனைத்து விருந்தினர்களுக்கும் நிதா அம்பானியின் கையால் எழுதப்பட்ட கடிதமும் உள்ளது. அந்த கடிதத்தில், நிதா அம்பானி தனது உணர்வுகளை வெளிப்படுத்தி, அனைத்து விருந்தினர்களையும் மங்களகரமான நிகழ்ச்சிக்கு வருகை தருமாறு கேட்டுக்கொள்கிறார்.

Readmore: ஜூலை 2 வரைதான் டைம்! சுனிதா வில்லியம்ஸ் டீமை மீட்க எலோன் மஸ்க்கின் ஸ்பேஸ்எக்ஸ் உதவுமா?