அதிர்ச்சி..!! கங்குவா படப்பிடிப்பின்போது விபத்தில் சிக்கிய சூர்யா..!! மருத்துவமனையில் அனுமதி..!!

சிறுத்தை சிவா இயக்கத்தில் பிரமாண்டமாக உருவாகி வரும் திரைப்படம் தான் ‘கங்குவா’. சூர்யா முதல் முறையாக சிவா இயக்கத்தில் நடித்து வருகிறார். இப்படத்தில் சூர்யாவுடன் இணைந்து முதல் முறையாக பாலிவுட் நடிகை திஷா பதாணி நடிக்கிறார். இப்படத்தின் கிலிம்ப்ஸ் வீடியோ வெளிவந்து மக்கள் மத்தியில் வரவேற்பை பெற்றது. மேலும் 35 மொழிகளில் இப்படம் உருவாகி வருகிறது.

இந்நிலையில் கங்குவா படத்தின் படப்பிடிப்பில் திடீரென எதிர்பாராமல் விபத்து ஏற்பட்டுள்ளது. சென்னை பூந்தமல்லியில் உள்ள EVP ஸ்டுடியோவில் நடந்து வந்த கங்குவா படப்பிடிப்பில் திடீரென ரோப் கேமரா அறுந்து சூர்யாவின் தோள்பட்டையில் மோதியது. இதனால், அவருக்கு காயம் ஏற்பட்டுள்ளது. சிறிய காயம் தான் என கூறுகின்றனர். விபத்து ஏற்பட்டதன் காரணமாக இன்று கங்குவா படத்தின் படப்பிடிப்பை ரத்து செய்யப்பட்டுள்ளதாக கூறப்படுகிறது. மேலும், சிகிச்சைக்காக உடனே அவர் மருத்துவமனைக்கு அழைத்துச் செல்லப்பட்டுள்ளார்.