அதிர்ச்சி..!! திமுக முன்னாள் MLA கு.க.செல்வம் காலமானார்..!! அரசியல் கட்சி தலைவர்கள் இரங்கல்..!!

உடல்நலக்குறைவு காரணமாக திமுக முன்னாள் சட்டமன்ற உறுப்பினர் கு.க.செல்வம் காலமானார்.

ஆயிரம் விளக்கு தொகுதி திமுக எம்.எல்.ஏவாக இருந்தவர் கு.க.செல்வம். கடந்த 2021ஆம் ஆண்டு தேர்தலில் அந்த தொகுதி மருத்துவர் எழிலனுக்கு ஒதுக்கப்பட்ட நிலையில், அதிருப்தி காரணமாக கு.க.செல்வம் திமுகவில் இருந்து விலகி பாஜகவில் இணைந்தார். பின்னர், பாஜக வேட்பாளராக களமிறங்கிய குஷ்பூக்கு ஆதரவாக தேர்தல் களத்தில் பணியாற்றினார்.

ஆனாலும் பாஜக அந்த தொகுதியில் தோல்வியடைந்ததுடன், திமுக அமோக வெற்றி பெற்றது. இதையடுத்து மீண்டும் திமுகவில் இணைந்தார் கு.க.செல்வம். அவருக்கு திமுகவில் தலைமை நிலைய செயலாளர் பொறுப்பு வழங்கப்பட்டது. இந்நிலையில், உடல்நலக்குறைவால் போரூர் மருத்துவமனையில் சிகிச்சை பெற்று வந்த கு.க.செல்வம், சிகிச்சை பலனின்றி இன்று காலமானார். அவரது மறைவுக்கு திமுகவினர் இரங்கல் தெரிவித்து வருகின்றனர்.