ஷாக்!… இனி வாட்ஸ் அப்-க்கு சந்தா!… கட்டணம் செலுத்தினால் மட்டுமே பயன்படுத்த முடியும்!

கட்டணம் செலுத்தினால் மட்டுமே வாட்ஸ் அப் செயலியைப் பயன்படுத்த முடியும் எனும் அதிர்ச்சி தகவல் வெளியாகி உள்ளது.

உலகளவில் வாட்ஸ்அப் செயலியை அதிகளவு பயனர்கள் பயன்படுத்தி வருகின்றனர். கிட்டத்தட்ட உலகெங்கிலும் உள்ள ஒவ்வொரு ஸ்மார்ட்போன் பயனரும் வாட்ஸ்ஆப்பைப் பயன்படுத்துகின்றனர் என்பது குறிப்பிடத்தக்கது. மேலும் வாடிக்கையாளர்களை கவரும் வண்ணம் புதிய புதிய அப்டேட்களை கொடுத்து வருகிறது. இதன்மூலம், குரல் அழைப்பு, வீடியோ அழைப்புடன் முக்கியமான புகைப்படங்கள், வீடியோக்கள், கோப்புகளைப் பயனர்கள் பகிர்ந்து வருகின்றனர்.

பிற மெசேஜிங் ஆப்ஸுடன் ஒப்பிடும்போது வாட்ஸ்அப் பயன்படுத்த மிகவும் எளிமையாக இருப்பதே, பயனர்கள் அதிகம் விரும்புவதற்கான காரணமாக அமைந்துள்ளது. 2024 ஆம் ஆண்டின் முதல் ஆறு மாதங்களில், பயனர்களின் கூகுள் டிரைவ் சேமிப்பக வரம்பில் வாட்ஸ் அப் அரட்டை காப்புப்பிரதிகள் சேர்க்கப்படும். இது 15 ஜிபியை நம்பியிருப்பவர்களை பாதிக்கும். அதாவது கூகுள் டிரைவில் தங்களுடைய சிறப்புப் புகைப்படங்கள், வீடியோக்கள் மற்றும் அரட்டைகளைப் பாதுகாப்பாக வைத்திருக்கும் நபர்கள், வாட்ஸ்அப் மூலம் கூகுள் ஒன் மூலம் கூடுதல் சேமிப்பகத்தை வாங்குவது குறித்து இப்போது பரிசீலிக்க வேண்டும்.

அமெரிக்கா போன்ற நாடுகளில் சந்தா திட்டங்கள் மாதாந்திர மற்றும் ஆண்டு அடிப்படையில் மூன்று முக்கிய திட்டங்களை வழங்குகின்றன. மாதாந்திர செலவுகளில் அடிப்படை (100ஜிபி) £1.59 / $1.99, தரநிலை (200ஜிபி) £2.49 / $2.99 மற்றும் பிரீமியம் (2TB) £7.99 / $9.99 ஆகியவை அடங்கும். இந்த திட்டங்கள் மாதாந்திர அடிப்படையில் இருந்தன. இந்தியாவில் விலை இன்னும் அறிவிக்கப்படவில்லை. விரைவில் அறிவிப்பு வெளியாகலாம் என எதிர்பார்க்கப்படுகிறது