முகம் பொலிவாக, உடலில் நச்சுதன்மை நீங்க, இந்த ஒரு டீடாக்ஸ் ட்ரிங்க் போதும்.! அளப்பரியா நன்மைகள்.!

முகம் பொலிவு பெறுவதற்கும் உடலில் இருக்கக்கூடிய நச்சுத்தன்மை நீங்குவதற்கும் கண்பார்வை மற்றும் கூந்தல் ஆரோக்கியத்திற்கு நன்மை தரக்கூடிய அற்புதமான ஒரு பானம் எப்படி தயாரிப்பது என்று பார்ப்போம்.

இதற்கு முதலில் 1 கேரட், 2 நெல்லிக்காய், சிறிதளவு பசுமஞ்சள், 1 டீஸ்பூன் அரைத்த மிளகு ஆகியவற்றை எடுத்துக் கொள்ள வேண்டும். கேரட்டை நன்றாக கழுவி சிறு சிறு துண்டுகளாக நறுக்கிக் கொள்ளவும். இதன் பிறகு நெல்லிக்காயையும் சிறு துண்டுகளாக நறுக்கி எடுத்து கொள்ளவும்.

ஒரு பிளண்டரில் அதில் நறுக்கிய கேரட் மற்றும் நெல்லிக்காய் துண்டுகளை போட்டு அவற்றுடன் மஞ்சள் மற்றும் மிளகு சேர்த்து ஒரு கிளாஸ் தண்ணீர் ஊற்ற வேண்டும். பிறகு அனைத்து பொருட்களையும் நன்றாக பிளண்ட் செய்து எடுக்கவும். இப்போது நமது ஹெல்த் ட்ரிங்க் தயாராகிவிட்டது.

இந்த பானத்தில் நோய் எதிர்ப்பு சக்தி மற்றும் கண்பார்வை கோளாறுகளை சரி செய்ய உதவும் ஊட்டச்சத்துக்கள் இருக்கின்றன. மேலும் கேரட் மற்றும் நெல்லிக்காயில் இருக்கும் சத்துக்கள் முகத்தில் இருக்கும் சுருக்கங்களையும் வறட்சிகளையும் போக்குகிறது. மஞ்சளில் இருக்கும் கிருமி நாசினி கிருமி தொல்லையில் இருந்து பாதுகாப்பு வழங்குகிறது.