பருவமழை எதிரொலி..! சென்னையில் நாளை முதல் சாலை தோண்டும் பணிகளை நிறுத்த உத்தரவு...!

வடகிழக்கு பருவமழையை முன்னிட்டு, சென்னை மாநகராட்சி ஆணையர் குமரகுருபரன், சென்னையில் மேற்கொள்ளப்படும் அனைத்து சாலை வெட்டுப் பணிகளும் செப்டம்பர் 30-ஆம் தேதி முதல் மறு அறிவிப்பு வரும் வரை நிறுத்தப்படும் என்று அறிவித்துள்ளார்.

இது குறித்து மாநகராட்சி சார்பில் வெளியிடப்பட்டுள்ள கடிதத்தில்; வடகிழக்கு பருவமழையை முன்னிட்டு, சென்னை மாநகராட்சி ஆணையர் குமரகுருபரன், சென்னையில் மேற்கொள்ளப்படும் அனைத்து சாலை வெட்டுப் பணிகளும் செப்டம்பர் 30-ஆம் தேதி முதல் மறு அறிவிப்பு வரும் வரை நிறுத்தப்படும். மேலும் திங்கள்கிழமை முதல் பேருந்து வழித்தடச் சாலைகள் மற்றும் உட்புறச் சாலைகளில் சாலை வெட்டும் பணிகளை நிறுத்துமாறு சென்னை பெருநகர குடிநீர் வழங்கல் மற்றும் கழிவுநீர் வாரியம், டாங்கட்கோ உள்ளிட்ட அனைத்து சேவைத் துறைகளுக்கும் கடிதம் அனுப்பப்பட்டுள்ளது.

மேலும் கூடுதலாக, இந்த காலகட்டத்தில் அவசரநிலைக்கு மட்டுமே சாலை வெட்ட அனுமதிக்கப்படும் மற்றும் அதற்கான ஒப்புதலை இணை ஆணையர் மற்றும் பிராந்திய துணை ஆணையர்களிடமிருந்து அனுமதி பெற வேண்டும் என தெரிவிக்கப்பட்டுள்ளது.

பள்ளிக்கல்வித்துறை சுற்றறிக்கை;

பள்ளிகளில் உள்ள மின் இணைப்புகளை சரிபார்க்கவும், வடிகால்களை சுத்தம் செய்தல் மற்றும் திறந்தவெளி வடிகால்களை மூடுதல், பள்ளங்களை நிரப்புதல் மற்றும் பள்ளி வளாகத்தில் உள்ள மரங்களின் கிளைகளை அகற்றுதல் போன்ற பணிகளுக்கு பள்ளிகளுக்கு உத்தரவிடப்பட்டுள்ளது. மேலும், வெள்ளம் போன்ற பேரிடர்களின் போது பாதிக்கப்படக்கூடிய மக்களை பள்ளிகளில் தங்க வைக்க பள்ளி நிர்வாகம், பள்ளிகள் மற்றும் கேன்டீன்களின் முக்கிய உரிமையாளர்களின் விவரங்களை சம்பந்தப்பட்ட வருவாய் துறை அதிகாரிகளிடம் சமர்ப்பிக்க வேண்டும்.