Rich People | கோடிகளில் குவியும் சொத்து..!! இந்தியாவில் நாளுக்கு நாள் அதிகரிக்கும் பணக்காரர்களின் எண்ணிக்கை..!!
இந்தியாவில் பணக்காரர்களின் எண்ணிக்கை நாளுக்கு நாள் அதிகரித்து வருவதாக தகவல்கள் வெளியாகி உள்ளன.
நைட் ஃபிராங்க் (Knight Frank) அறிக்கையின்படி, இந்திய நாட்டில் ரூ.250 கோடிக்கு மேல் சொத்து வைத்திருக்கும் பணக்காரர்களின் எண்ணிக்கை அதிகரித்துள்ளது. அந்த வகையில், 2022ஆம் ஆண்டில் 12,495 பணக்காரர்களின் எண்ணிக்கை 6.1 சதவீதம் அதிகரித்து 2023ஆம் ஆண்டில் 13,263 ஆக இருந்தது. 2028ஆம் ஆண்டில், இந்த எண்ணிக்கை கிட்டத்தட்ட 50 சதவீதம் அதிகரித்து 19,908 ஆக இருக்கும் என்று எதிர்பார்க்கப்படுகிறது.
இதற்கிடையே, 90% பணக்காரர்கள் இந்தாண்டு தங்கள் செல்வத்தை அதிகரிக்கும் நம்பிக்கையுடன் உள்ளனர். நைட் ஃபிராங்க் அறிக்கையின்படி, சுமார் 63% பேர் தங்கள் செல்வம் 10 சதவிகிதத்திற்கும் அதிகமாக அதிகரிக்கும் என்று நம்புகின்றனர் மந்தநிலைக்கு மத்தியில், குறைந்த பணவீக்கம் மற்றும் வட்டி விகிதங்களில் எதிர்பார்க்கப்படும் குறைப்பு காரணமாக இந்தியப் பொருளாதாரம் தொடர்ந்து வேகமாக வளரும்.
அடுத்த 5 ஆண்டுகளில், இந்தியாவில் பெரும் பணக்காரர்களின் எண்ணிக்கை உலக சராசரியை விட வேகமாக வளரும் என்று எதிர்பார்க்கப்படுகிறது. நைட் ஃபிராங்கின் கூற்றுப்படி, அடுத்த 5 ஆண்டுகளில், 30 மில்லியன் டாலர் அல்லது அதற்கு மேற்பட்ட நிகர மதிப்புடன், அதி உயர் நிகர மதிப்புள்ள தனிநபர்களின் எண்ணிக்கையில் (UHNWIs) எந்தவொரு நாட்டிற்கும் இந்தியா அதிக வளர்ச்சியைக் காணும்.
இந்தியாவைத் தொடர்ந்து சீனா (47 சதவீதம்), துர்கியே (42.9 சதவீதம்), மலேசியா (35 சதவீதம்) ஆகிய நாடுகள் உள்ளன. அதிபயங்கர பணக்காரர்களின் எண்ணிக்கை அதிகரிப்பதில் ஆசியா ஆதிக்கம் செலுத்தும் என்றும் அறிக்கை கூறுகிறது. ஆசியாவில், அடுத்த 5 ஆண்டுகளில் அதிபணக்காரர்களின் எண்ணிக்கை 38.3 சதவீதம் உயரும் என எதிர்பார்க்கப்படுகிறது. உலக அளவில் பெரும் பணக்காரர்களின் எண்ணிக்கை 28.1 சதவீதம் உயர வாய்ப்புள்ளது.
கடந்த 15-20 ஆண்டுகளில் பொருளாதார வளர்ச்சியின் அடிப்படையில் ஆசியா ஒரு தனிச்சிறப்பு வாய்ந்த பகுதியாக உள்ளது. 2023-ஆம் ஆண்டில், UHNWI மக்கள் தொகையில் முந்தைய ஆண்டைக் காட்டிலும் இந்தியா 6.1 சதவிகிதம் வருடாந்திர உயர்வைக் கண்டது என்றும் அறிக்கை எடுத்துக்காட்டுகிறது. உலகளவில், UHNWIகளின் எண்ணிக்கை 4.2% அதிகரித்து 626,619 ஆக உள்ளது. இந்த அதிபணக்கார இந்தியர்கள் 2024-இல் தங்கள் செல்வம் பெருகும் என்று நம்பிக்கையுடன் உள்ளனர்.