தவெக மாநாடு மிகப்பெரிய வெற்றி.. நடிகர் ரஜினி வாழ்த்து..!! 

நடிகர் விஜயின் தமிழக வெற்றிக் கழகம் நடத்திய முதல் மாநில மாநாடு மிகப்பெரிய வெற்றி பெற்றுள்ளதாக ரஜினிகாந்த் தெரிவித்தார். தீபாவளி பண்டிகை நாடு முழுவதும் மிகுந்த உற்சாகத்துடன் கொண்டாடப்படுகிறது. இந்த நன்னாளில் மக்களுக்கு குடியரசு தலைவர் திரெளபதி முர்மு, பிரதமர் மோடி, தவெக தலைவர் விஜய், எடப்பாடி பழனிசாமி உள்பட பல்வேறு அரசியல் கட்சித் தலைவர்களும் வாழ்த்து தெரிவித்துள்ளனர். அந்த வகையில் நடிகர் ரஜினி காந்த் செய்தியாளர்களை சந்திப்பில் மக்களுக்கு தீபாவளி வாழ்த்து தெரிவித்தார்.

சென்னை போயஸ் கார்டனில் உள்ள தனது இல்லத்திற்கு வெளியே நடிகர் ரஜினிகாந்த் ரசிகர்களை சந்தித்தார். அவர்களுக்கு தீபாவளி வாழ்த்துகளைத் தெரிவித்தார். ரசிகர்களின் தீபாவளி வாழ்த்தையும் ஏற்றுக்கொண்டார். பின்னர் செய்தியாளர்களுடன் பேசிய அவர், தமிழக வெற்றிக் கழகத் தலைவர் விஜய்யின் மாநாடு மிகப்பெரிய வெற்றி அடைந்துள்ளதாகக் குறிப்பிட்டார்.

நடிகர் விஜய் தமிழக வெற்றிக் கழகம் எனும் கட்சியைத் தொடங்கி, அக்கட்சியின் முதல் மாநாடு கடந்த 27ம் தேதி விக்கிரவாண்டியில் நடைபெற்றது. அந்த மாநாட்டில் விஜய் பேசியது பெரும் பரபரப்பையும், கவனிப்பையும் தமிழக அரசியலில் ஏற்படுத்தியது. இந்த நிலையில், தமிழக வெற்றிக் கழகத் தலைவர் விஜய்யின் மாநாடு மிகப்பெரிய வெற்றி அடைந்துள்ளதாகக் குறிப்பிட்டார்.

Read more ; Diwali 2024 : இன்பங்கள் மலரும் தீப ஒளியாக அமையட்டும்..!! – அரசியல் தலைவர்கள் தீபாவளி வாழ்த்து