Oscars 2025 : ஆஸ்கர் ரேஸில் களம் இறங்கிய கங்குவா.. லிஸ்டில் இத்தனை இந்திய படங்களா..? 

97வது அகாடமி விருதுகள் நெருங்கி வரும் நிலையில், 2025 ஆம் ஆண்டுக்கான ஆஸ்கர் விருதுக்கு தகுதி பெற்ற 323 போட்டியாளர்களில் சூர்யாவின் கங்குவா உட்பட ஐந்து இந்தியப் படங்கள் இடம் பெற்றதையடுத்து இந்தியத் திரையுலகமே உற்சாகத்தில் மூழ்கியுள்ளது. பாக்ஸ் ஆபிஸில் கலவையான வரவேற்பைப் பெற்ற கங்குவா இப்போது சிறந்த படத்துக்கான இடத்தைப் பிடிக்கப் போட்டியிடுகிறது. குறைந்த பாக்ஸ் ஆபிஸ் வசூல் இருந்தபோதிலும், படம் ஆஸ்கார் ரேஸில் ஒரு இடத்தைப் பிடித்ததன் மூலம் எதிர்பார்ப்புகளை கிளபியுள்ளது.

சிறுத்தை சிவா இயக்கத்தில் ரிலீசான இந்த படத்தின் டீசரும், ட்ரெயிலரும் ரசிகர்கள் மத்தியில் பெரும் ஆர்வத்தைத் தூண்டியது. ஆனால், படம் ரிலீசாகிய பிறகு கங்குவா படம் கடும் விமர்சனங்களை எதிர்கொண்டது. எதிர்மறையான விமர்சனங்களால் கங்குவா படம் படுதோல்வியை அடைந்தது. ஆனால், ஓடிடியில் ரிலீசான பிறகு கங்குவா படத்தைப் பலரும் பாராட்டினர். தொழில்நுட்ப ரீதியாக கங்குவா படத்தில் பணியாற்றிய குழுவினருக்கு பலரும்  வாழ்த்துகளைத் தெரிவித்தனர்.

கடும் விமர்சனங்களைச் சந்தித்த கங்குவா படம் தற்போது ஆஸ்கருக்கு பரிந்துரைக்க தகுதியான 207 படங்களில் ஒரு படமாகவும், ஆஸ்கருக்கு பரிந்துரைக்கத் தகுதியான ஒரே ஒரு தமிழ் படமாகவும் இடம்பெற்றுள்ளது. இதை சூர்யா ரசிகர்கள் மகிழ்ச்சியுடன் இணையத்தில் பகிர்ந்து வருகின்றனர்.

காலையில் இருந்தே சமூக ஊடகங்களில் இதுகுறித்து பதிவு செய்து வருகின்றனர். தியேட்டரில் வெளியான போது கடுமையான விமர்சனங்களை சந்தித்த கங்குவா இப்போது ஆஸ்கர் விருது வரை சென்றுள்ளது என பகிர்ந்து வருகின்றனர். ஆஸ்கர் வெளியிட்ட பட்டியலில் கங்குவா மட்டுமல்லாமல் ஆடு ஜீவிதம் (Aadujeevitham – The Goat Life), Girls Will Be girls, சந்தோஷ், All We Imagine as Light, சவர்க்காரின் சுயசரிதையான வீர் சவர்க்கார் - Swatantrya Veer Savarkar ஆகிய இந்திய படங்களும் இந்த பட்டியலில் இடம்பெற்றுள்ளன.

ஆஸ்கர் விருது போட்டியில் கலந்துகொள்வதற்கான இந்த தகுதிப் போட்டியில் வெற்றிபெற திரைப்படமானது அதிக வாக்குகளை பெற வேண்டும். இந்த பட்டியலில் இடம்பெற்ற 207 திரைப்படங்களுக்கான வாக்களிப்பு ஜனவரி 8ஆம் தேதி ஆரம்பமாகி 12ஆம் தேதியுடன் முடிவடைகிறது. அதன்பின் எந்தெந்த படங்கள் போட்டிக்குத் தேர்வாகி உள்ளது என்பதை ஜனவரி 17ஆம் தேதி அறிவிப்பார்கள்.

Read more ; Video : நடிகர் அஜித்தின் ரேஸ் கார் விபத்து.. நெஞ்சை பதற வைக்கும் வீடியோ..! ரேஸில் பங்கேற்பாரா?