சூப்பர் திட்டம்..!! வட்டி மூலம் கை நிறைய சம்பாதிக்கலாம்..!! மாதந்தோறும் எவ்வளவு கிடைக்கும் தெரியுமா..?
உழைக்கும் வர்க்கத்தினர் அனைவரும் தங்கள் பணத்தை முதலீடு செய்து, மாதந்தோறும் பெரியளவில் எளிதாக சம்பாதிக்கும் வகையில் தபால் துறை ஒரு சிறந்த திட்டத்தை செயல்படுத்தி வருகிறது. இத்திட்டத்தை மத்திய அரசுதான் நடத்துகிறது. இதில், நீங்கள் மொத்தமாக முதலீடு செய்ய வேண்டும். நீங்கள் முதலீடு செய்யும் தொகைக்கு எவ்வளவு வட்டியைப் பெறுகிறீர்களோ, அந்த வட்டியை மாதந்தோறும் அஞ்சல் அலுவலகம் உங்களுக்குச் செலுத்தி ஒவ்வொரு மாதமும் நல்ல வருமானம் தருகிறது.
இத்திட்டத்தில், நீங்கள் உங்கள் பணத்தை 5 வருட காலத்திற்கு முதலீடு செய்ய வேண்டும். ஒவ்வொரு மாதமும் நீங்கள் பெறும் வருமானம் 5 வருட காலத்திற்கு வந்து கொண்டே இருக்கும். 5 ஆண்டுகள் முடிந்த பிறகு, நீங்கள் டெபாசிட் செய்த தொகை தபால் அலுவலகத்தால் திருப்பி தரப்படும். இந்தியாவின் எந்தவொரு குடிமகனும் இந்தத் திட்டத்தில் முதலீடு செய்யலாம். இத்திட்டத்தில் உங்களுக்கு 7.4% வட்டி கிடைக்கிறது. 18 வயது அல்லது அதற்கு மேற்பட்ட எந்தவொரு குடிமகனும் தங்கள் பணத்தை முதலீடு செய்து வட்டி மூலம் கை நிறைய சம்பாதிக்கலாம்.
இத்திட்டத்திற்கு முதலீடு செய்வதற்கு முன் நீங்கள் அஞ்சல் அலுவலகத்தில் கணக்கைத் திறக்க வேண்டும். அப்போது, உங்கள் ஆதார் கார்டு, பான் கார்டு, நிரந்தரக் குடியுரிமைச் சான்றிதழ் மற்றும் வங்கிக் கணக்கு விவரங்களை வழங்க வேண்டும். மாதாந்திர வருமானத் திட்டத்தில் முதலீடு செய்து மாதம் ரூ.9,250 சம்பாதிக்க விரும்பினால் இந்தத் திட்டத்தில் ரூ.15 லட்சத்தை மொத்தமாக 5 ஆண்டுகளுக்கு முதலீடு செய்யலாம்.
அப்போதுதான் ஒவ்வொரு மாதமும் நல்ல வருமானம் கிடைக்கும். இத்திட்டத்தில் நீங்கள் ரூ.15 லட்சத்தை முதலீடு செய்யும்போது, 7.4 சதவீத விகிதத்தைக் கணக்கிட்டு அடுத்த 5 ஆண்டுகளுக்குத் தொடர்ந்து தபால் நிலையத்தில் இருந்து மாதம் ரூ.9,250 கிடைக்கும். 5 ஆண்டுகள் முடிந்த பிறகு நீங்கள் முதலீடு செய்த தொகையை திரும்பப் பெறலாம். இந்தத் திட்டத்தில் 5 ஆண்டுகள் முடிந்த பிறகு மேலும் 5 ஆண்டுகளுக்கு நீட்டித்து பலன்களைப் பெறலாம்.
Read More : ”எதிர்காலத்தில் காத்திருக்கும் ஆபத்து”..!! ஆய்வறிக்கையில் வெளியான அதிர்ச்சி தகவல்..!!