புத்தாண்டு கொண்டாட்டம்!. உலகில் மது அருந்துவதில் முதலிடம் பிடித்த நாடு எது?. இந்தியாவிற்கு எந்த இடம்?. வெளியான புள்ளிவிவரம்!

Alcohol: உலகம் முழுவதும் மது அருந்துபவர்களுக்கு பஞ்சமில்லை. ஆனால் புத்தாண்டு வரும் போது அதன் எண்ணிக்கை திடீரென அதிகரிக்கிறது. புத்தாண்டின் போது உலகம் முழுவதும் மக்கள் எவ்வளவு மது அருந்தியுள்ளனர் என்பது குறித்த புள்ளிவிவரங்கள் வெளியாகியுள்ளன.

2025 புத்தாண்டை டிசம்பர் 31 மற்றும் ஜனவரி 1 ஆகிய தேதிகளில் மிகுந்த உற்சாகத்துடன் கொண்டாடினர். இந்த இரண்டு நாட்களில் உலகம் முழுவதும் உள்ள மது பிரியர்கள் பல ஆயிரம் கோடி ரூபாய் மதிப்புள்ள மதுவை குடித்துள்ளனர். இந்திய நகரங்களில், புத்தாண்டு அன்று பார்ட்டி கலாசாரம் தலைவிரித்தாடுகிறது, பெரும்பாலான பார்கள் மற்றும் பப்கள் ஹவுஸ் ஃபுல் ஆகின.

இருப்பினும், புத்தாண்டு கொண்டாட்டங்களில் மது விற்பனை சாதனைகளை முறியடிக்கும் உலகில் பல நாடுகள் உள்ளன. ஏனெனில் இங்கு ஒரே இரவில் கோடிக்கணக்கான ரூபாய் மதிப்புள்ள மதுபானங்களை மக்கள் குடிக்கின்றனர். உலக நாடுகளில் மது அருந்துவதைப் பற்றிய பல்வேறு வகையான புள்ளிவிவரங்கள் உள்ளன. அந்தவகையில், Statista.com கருத்துப்படி, மது அருந்துவதில் ருமேனியா முதலிடத்தில் உள்ளது, இங்கு தனிநபர் மது நுகர்வு 16.91 லிட்டர் ஆகும்.

இதற்குப் பிறகு, ஜார்ஜியாவில் மது நுகர்வு 14.48 லிட்டர். தனிநபர் மது நுகர்வு 13.3 லிட்டராக உள்ள செக்கியா மூன்றாவது இடத்தில் உள்ளது. தனிநபர் மது நுகர்வு லாட்வியாவில் 12.95 லிட்டர், ஜெர்மனியில் 12.20 லிட்டர், சீஷெல்ஸில் 12.13 லிட்டர் மற்றும் ஆஸ்திரியாவில் 12.02 லிட்டர்.

மது அருந்துவோர் பட்டியலில் இந்தியாவும் பின்தங்கவில்லை. Statista.com படி, இந்தியாவில் சராசரியாக ஒரு நபர் 4.96 லிட்டர் மது அருந்துகிறார்கள். இந்தியாவின் அண்டை நாடான பாகிஸ்தானில் இந்த எண்ணிக்கை ஒரு நபருக்கு 0.11 லிட்டர் ஆகும். புத்தாண்டு தினத்தன்று டெல்லி என்சிஆர் பகுதியில் உள்ள கிரேட்டர் நொய்டாவில் ரூ.14 கோடிக்கு மதுபானங்கள் விற்பனை செய்யப்பட்டதாக கூறப்படுகிறது

உத்தரகாண்ட் மாநிலத்தில் ரூ.14 கோடிக்கு மேல் மது விற்பனை செய்யப்பட்டுள்ளது. உலகம் முழுவதும் மதுபான விற்பனை குறித்து உறுதியான அறிக்கை எதுவும் இல்லை. ஆனால் புத்தாண்டு அன்று உலகம் முழுவதும் மக்கள் பல ஆயிரம் கோடி ரூபாய் மதிப்புள்ள மதுவை குடித்துள்ளதாக நம்பப்படுகிறது.

Readmore: வேகமெடுத்த நோரோவைரஸ்!. ஒரே வாரத்தில் 91 பேர் பாதிப்பு!. CDC எச்சரிக்கை!. எவ்வளவு ஆபத்தானது தெரியுமா?