உடமைகளை இழந்த மாணவர்களுக்கு புதிய சீருடை, புத்தகங்கள்..!! பள்ளிக்கல்வித்துறை அறிவிப்பு..!!

மழையால் உடமைகளை இழந்த பள்ளி மாணவர்களுக்கு புதிய சீருடை மற்றும் புத்தகங்கள் வழங்க நடவடிக்கை எடுக்க மாவட்ட முதன்மை கல்வி அலுவலர்களுக்கு பள்ளிக்கல்வித்துறை உத்தரவிட்டுள்ளது.

மிக்ஜாம் புயலால் சென்னை, செங்கல்பட்டு, காஞ்சிபுரம், திருவள்ளூர் ஆகிய மாவட்டங்கள் கடுமையான பாதிப்பை சந்தித்துள்ளன. 4 மாவட்டங்களிலும் வரும் 11ஆம் தேதி முதல் மீண்டும் பள்ளிகள் திறக்கப்பட உள்ள நிலையில், பள்ளிக் கல்வித்துறை சார்பில் மாவட்ட முதன்மை கல்வி அலுவலர்களுக்கு வழிகாட்டு நெறிமுறைகள் வெளியிடப்பட்டுள்ளது.

அந்தவகையில், மிக்ஜாம் புயல் காரணமாக பெய்த கனமழை, வெள்ளத்தால் தங்கள் உடமைகளை இழந்த மாணவர்களுக்கு புதிய சீருடை மற்றும் புத்தகங்கள் வழங்க உரிய நடவடிக்கை மேற்கொள்ள வேண்டும் என மாவட்ட முதன்மை கல்வி அலுவலர்களுக்கு பள்ளிக்கல்வித்துறை உத்தரவிட்டுள்ளது.