புற்றுநோய் காரணமாக நமீபியா அதிபர் ஹேஜ் ஜிங்கோப் மரணம்..! தலைவர்கள் இரங்கல்..!

நமீபியா நாட்டின் ஜனாதிபதி ஹேஜ் ஜிங்கோப் சில காலமாக புற்று பாதிப்பு காரணமாக சிகிச்சை பெற்று வந்தார். இந்நிலையில் வின்ட்ஹோக்கில் உள்ள லேடி பொஹம்பா மருத்துவமனையில் சிகிச்சை பெற்று வந்த ஜனாதிபதி ஹேஜ் ஜிங்கோப் நேற்றைய தினம் சிகிச்சை பலனின்றி உயிரிழந்தார். அவருக்கு வயது 82. அதிபர் ஹஜி ஜிங்கொப்பின் மறைவிற்கு பல்வேறு தலைவர்களும் இரங்கல் தெரிவித்து வருகின்றனர். நமீபியா அதிபர் ஹேஜ் ஜிங்கோப் உயிரிழந்த நிலையில் இடைக்கால அதிபராக நங்கோலோ முபுமா செயல்பட்டு வருகிறார்.

நமீபியாவின் ஜனாதிபதி ஹேஜ் ஜிங்கோப் காலமானதை குறித்து நமீபியாவின் செயல் தலைவர் நங்கோலோ முபுமா அறிக்கை ஒன்றை வெளியிட்டுள்ளார். அந்த அறிக்கையில், "நமீபிய தேசம் ஒரு புகழ்பெற்ற மக்களின் சேவையாளரையும், ஒரு விடுதலைப் போராட்ட அடையாளத்தையும், நமது அரசியலமைப்பின் தலைமை சிற்பியையும், நமீபிய வீட்டின் தூணையும் இழந்துவிட்டது. இந்த ஆழ்ந்த துக்கத்தின் தருணத்தில், தேவையான அனைத்து மாநில ஏற்பாடுகள், தயாரிப்புகள் மற்றும் பிற நெறிமுறைகளை அரசாங்கம் கவனிக்கும் போது, அமைதியாகவும் ஒன்றாகவும் இருக்குமாறு தேசத்தை நான் கேட்டுக்கொள்கிறேன். இது தொடர்பாக மேலும் அறிவிப்புகள் வெளியிடப்படும்” என்று தெரிவிக்கப்பட்டுள்ளது.

2014 இல் நமீபியாவின் மூன்றாவது அதிபராக தேர்ந்தெடுக்கப்பட்டவர் ஹேஜ் ஜிங்கோப். இவர் சில காலமாகவே உடல்நலப் பிரச்சினைகளைக் கொண்டிருந்தார். கடந்த ஆண்டு அண்டை நாடான தென்னாப்பிரிக்காவில் அவருக்கு பெருநாடி அறுவை சிகிச்சை செய்யப்பட்டது, மேலும் 2014 இல் அவர் புரோஸ்டேட் புற்றுநோயிலிருந்து தப்பியதை வெளிப்படுத்தினார்.