”அமைச்சர் கே.கே.எஸ்.எஸ்.ஆர். ராமச்சந்திரனின் தாயார் காலமானார்”..!! முதல்வர் முக.ஸ்டாலின் இரங்கல்..!!

வருவாய் மற்றும் பேரிடர் மேலாண்மைத்துறை அமைச்சருமான கே.கே.எஸ்.எஸ்.ஆர். ராமச்சந்திரன் அவர்களின் தாயார் அமராவதி அம்மாள் காலமானார். அவருக்கு வயது 94.

விருதுநகர் மாவட்டம் அருப்புக்கோட்டை அருகே கோபாலபுரம் என்ற கிராமத்தை சேர்ந்தவர் அமைச்சர் கே.கே.எஸ்.எஸ்.ஆர். ராமச்சந்திரன். ஒரு காலத்தில் சாத்தூர் ராமச்சந்திரன் என அழைக்கப்பட்டவர் காலப்போக்கில் கே.கே.எஸ்.எஸ்.ஆர். என்று அழைக்கப்பட்டு வருகிறார். வீட்டிற்கு மூத்தப்பிள்ளை என்பதால் எப்போதும் அம்மா மீது அளவு கடந்த அன்பு வைத்திருக்கக் கூடியவர்.

இவரது தாயார் அமராவதி அம்மாளை, கடைசி மூச்சு வரை இவர் தான் கவனித்துக்கொண்டார். இந்நிலையில் வயது மூப்பு காரணமாக ஏற்பட்ட உடல் நலக்குறைவால் 94-வது வயதில் இன்று அதிகாலை காலமானார் அமராவதி அம்மாள். அவரது மறைவுக்கு முதலமைச்சர் மு.க.ஸ்டாலின் உள்ளிட்டோர் இரங்கல் தெரிவித்துள்ளனர்.