BJP: ஆபாச படம் வெளியிடுவேன்... ஆதீனத்தை ரூ.20 கோடி கேட்டு மிரட்டிய பாஜக மாவட்ட தலைவர் கைது...!

ஆபாசப்படத்தை வெளியிட்டு விடுவேன் என தருமபுரம் ஆதீனத்தை ரூ.20 கோடி பணம் கேட்டு மிரட்டிய மயிலாடுதுறை பாஜக மாவட்ட தலைவர் அகோரம் கைது.

மயிலாடுதுறையில் உள்ள தருமபுரம் ஆதீன மடத்தை தற்போது தருமை ஆதீனம் 27வது குரு மகா சன்னிதானம் ஸ்ரீலஸ்ரீ மாசிலாமணி தேசிய ஞானசம்பந்த பரமாசாரியா சுவாமிகள் நிர்வகித்து வருகிறார். மயிலாடுதுறை பாஜக மாவட்ட தலைவர் அகோரம், தருமபுரம் ஆதீன மடாதிபதியை பணம் கேட்டு மிரட்டியதாக, தருமபுரம் ஆதீன மடாதிபதியின் சகோதரர் விருத்தகிரி அளித்த புகாரில் 7 பேர் மீது வழக்குப்பதிவு செய்யப்பட்டது.

தருமபுரம் ஆதீனத்தை பணம் கேட்டு மிரட்டியதோடு, ஆதீனத்தின் ஆபாச வீடியோவை சமூக வலைதளங்களில் வெளியிட்டு விடுவேன் எனக் கூறி பணம் கேட்டு மிரட்டியதாக, பாஜக மயிலாடுதுறை மாவட்ட தலைவர் அகோரம் உள்ளிட்டோர் மீது போலீசில் புகார் அளிக்கப்பட்டது. புகாரின் அடிப்படையில் வழக்கு பதிவு செய்த காவல்துறையினர் பாஜக மாவட்ட தலைவரை கைது செய்தனர்.

English Summary : Mayiladuthurai BJP District President Akhoram Arrested for Threatening Dharumapuram Atheenam with Rs 20 Crores.