பழம்பெரும் நடிகர் டி.எஸ்.பாலையாவின் மகன் ஜூனியர் பாலையா காலமானார்…!

மறைந்த பழம்பெரும் நடிகர் டி.எஸ்.பாலையாவின் மூன்றாவது மகனும், தமிழ் சினிமாவின் மூத்த நடிகருமான, ஜூனியர் பாலையா உடல்நலக்குறைவால் இன்று காலமானார். 1953ல் பிறந்த இவரின் இயற்பெயர் ரகு பாலையா. இவர் 1975 ஆம் ஆண்டு மேல்நாட்டு மருமகள் என்ற படத்தின் மூலம் தமிழ் சினிமாவில் நடிகராக அறிமுகமானார். தொடர்ந்து இளைய தலைமுறை, கரகாட்டகாரன், கோபுர வாசலிலே, வாழ்வே மாயம், சுந்தரகாண்டம், 2012ல் வெளிவந்த சாட்டை உள்ளிட்ட 100க்கும் மேற்பட்ட தமிழ் படங்களில் நடித்துள்ளார்.

70 வயதான ஜூனியர் பாலையா, சென்னை வளசரவாக்கத்தில் வசித்து வந்தார். இன்று அதிகாலை மூச்சுத்திணறல் காரணமாக ஜூனியர் உயிரிழந்தாக அவரது குடும்பத்தினர் தெரிவித்துள்ளனர். அவரது மறைவுக்கு ரசிகர்கள் மற்றும் திரைத்துறையினர் இரங்கல் தெரிவித்து வருகின்றனர்.