Election: 75 ஆண்டுகால வரலாற்றில் அதிக அளவிலான பணம், தங்கம் பறிமுதல்...!
75 ஆண்டுகால வரலாற்றில், இதுவரை இல்லாத அளவுக்கு அதிக அளவிலான பணம், தங்கம் போன்ற பொருட்களை தேர்தல் ஆணையம் பறிமுதல் செய்துள்ளது.
2024 பொதுத் தேர்தல் நடைபெறவுள்ள நிலையில், நாட்டில் 75 ஆண்டுகால வரலாற்றில், இதுவரை இல்லாத அளவுக்கு அதிக அளவிலான பணம், தங்கம் போன்ற பொருட்களை தேர்தல் ஆணையம் பறிமுதல் செய்துள்ளது. 18-வது மக்களவைத் தேர்தலுக்கான முதல் கட்ட வாக்குப்பதிவு வெள்ளிக்கிழமை தொடங்குவதற்கு முன்பே பண பலத்திற்கு எதிரான தேர்தல் ஆணையத்தின் உறுதியான போராட்டத்தில் அமலாக்க முகமைகள் ரூ.4650 கோடிக்கு மேல் பறிமுதல் செய்துள்ளன.
இது 2019 மக்களவைத் தேர்தலின் போது பறிமுதல் செய்யப்பட்ட ரூ.3475 கோடியை விட பெருமளவு அதிகரிப்பைக் குறிக்கிறது. பறிமுதல் செய்யப்பட்டவற்றில் 45% மருந்துகள் மற்றும் போதைப்பொருட்கள் ஆகும். அவை ஆணையத்தின் சிறப்பு கவனத்தின் கீழ் உள்ளன. விரிவான திட்டமிடல், மற்றும் ஏஜென்சிகளிடமிருந்து ஒருங்கிணைந்த தடுப்பு நடவடிக்கை ஆகியவற்றின் மூலம் பறிமுதல் சாத்தியமானது என தேர்தல் ஆணையம் தெரிவித்துள்ளது.
தேர்தல் நடத்தை விதிகளை மீறி அரசியல்வாதிகளுக்கு பிரசாரத்தில் உதவிய சுமார் 106 அரசு ஊழியர்களுக்கு எதிராக தேர்தல் ஆணையம் கடுமையான நடவடிக்கைகளை எடுத்துள்ளது. 13.04.2024 அன்றைய நிலவரப்படி நாடு முழுவதும் மொத்தமாக ரூ.4658 கோடி அளவுக்கு ரொக்கம், தங்கம் உள்ளிட்ட உலோகங்கள், மதுபானங்கள் மற்றும் இதர பொருட்கள் கைப்பற்றப்பட்டுள்ளன. தமிழ்நாட்டில் மொத்த பறிமுதல் தொகை ரூ.460 கோடியாகும். குஜராத்தில் ரூ. 605 கோடியும், ராஜஸ்தானில் ரூ.778 கோடியும் பிடிபட்டுள்ளதாக தேர்தல் ஆணையம் தெரிவித்துள்ளது.
