இதை மட்டும் சாப்பிடுங்க..!! உங்களுக்கு சப்போட்டாக இருக்கும் சப்போட்டா பழம்..!! இவ்வளவு நன்மைகளா..?
நார்ச்சத்து உள்ள சப்போட்டாவை சாப்பிடுவதால், குடல் இயக்கங்கள், மலச்சிக்கல் மற்றும் பிற செரிமான பிரச்சனைகள் நீங்கிவிடும். மேலும், ரத்த அழுத்தம், இதய கோளாறு, சரும பிரச்சனைகளுக்கும் நல்ல தீர்வு கிடைக்கிறது. இயற்கையாகவே அதிக இனிப்பு சுவை கொண்ட பழ வகைகளில் சப்போட்டாவும் ஒன்று. பனிக்காலத்தில்தான் இந்த பழத்தை அதிகம் பார்க்க முடியும்.
எளிதில் செரிமானிக்கக் கூடிய இது குழந்தைகள் முதல் பெரியவர்கள் வரை விரும்பி சாப்பிடுவார்கள். அப்படி நீங்கள் சுவைத்து சாப்பிடும் இந்த பழத்தில் என்னென்ன நன்மைகள் கிடைக்கும் என்று தெரிந்துக் கொள்ளலாம். சப்போட்டாவில் சக்திவாய்ந்த ஆன்டிவைரல், ஆன்டிபராசிடிக், பாக்டீரியா எதிர்ப்பு மற்றும் அழற்சி எதிர்ப்பு பண்புகள் உள்ளன. அவை இரைப்பை அழற்சிக்கு சிகிச்சையளிக்க உதவுகின்றன. தாமிரம், கால்சியம், பாஸ்பரஸ், மெக்னீசியம், செலினியம் மற்றும் இரும்பு போன்ற தாதுக்கள் சபோட்டாவில் இருப்பதால் எலும்புகளை வலுப்படுத்த உதவுகிறது.
இது மூட்டு வலிகளையும் தடுக்கிறது. ஆரோக்கியமான சருமத்தை விரும்பினால், உங்கள் தினசரி உணவில் சப்போட்டாவை சேர்க்க வேண்டும், ஏனெனில்அவை சருமத்திற்கு தேவையான அனைத்து ஊட்டச்சத்துக்களையும் கொண்டுள்ளன. ஏ, பி மற்றும் சி போன்ற வைட்டமின்கள் இருப்பதால் சப்போட்டா சருமத்தின் ஈரப்பதத்தை தக்க வைக்கிறது மற்றும் புதிய தோல் செல்களை மீட்டெடுக்கிறது. ஃபிளாவனாய்டுகள், பாலிபினால்கள் மற்றும் ஆக்ஸிஜனேற்றங்களின் பண்புகள் தோல் பாதிப்புகளை முற்றிலும் தடுக்கிறது. இது தோல் நிறத்தை மேம்படுத்துகிறது மற்றும் வயதான தோற்றத்தையும் தடுக்கிறது.
சப்போட்டாவில் பொட்டாசியம் உள்ளது, இது உயர் இரத்த அழுத்தத்தைக் கட்டுப்படுத்த உதவுகிறது. பொட்டாசியம் என்பது உங்கள் உடலில் சோடியத்தின் அளவைக் குறைக்க உதவுகிறது மற்றும் இரத்த ஓட்டத்தை மேம்படுத்துகிறது. மேலும், இதில் ஏராளமான வைட்டமின் ஏ உள்ளது, இது கண்ணின் வெளிப்புற உறை, கார்னியாவின் ஆரோக்கியத்தை மேம்படுத்துவதன் மூலம் நல்ல கண்பார்வை பராமரிப்பதில் பெரும் பங்கு வகிக்கிறது.
சப்போட்டாவில் உள்ள சேர்மங்கள் சுவாசப்பாதை, நாசி துவாரம், கபம் சளி அகற்றுவதன் மூலம் நாள்பட்ட இருமலை போக்க செய்கிறது. இது உடலில் ஃப்ரீ ரேடிக்கல்களை அழித்து இதயக்கோளாறுகளையும் தடுக்கிறது.வாய்வழி புற்றுநோய் போன்ற சில வகையான புற்றுநோய்களை தடுக்கவும் உதவுகிறது. உடலின் திசு அமைப்பிலும் ஆரோக்கியத்தை பராமரிக்க செய்கிறது.
சப்போட்டாவில் எலக்ட்ரோலைட்டுகள், வைட்டமின் ஏ மற்றும் கார்போ ஹைட்ரேட்டுகளால் நிரப்பபட்டுள்ளது. இது கர்ப்பிணிகளின் காலை சோர்வை போக்க உதவும். குறிப்பாக தலைச்சுற்றல் பிரச்சனையை கொண்டிருந்தால் அதன் அறிகுறி குறைக்க செய்யும். பிரசவத்துக்கு பிந்தைய தாய்ப்பாலூட்டும் பெண்களுக்கும் சப்போட்டா முழுமையான நன்மையை செய்யக்கூடும். இது கொலாஜன் உற்பத்தியிலும் பங்கு வகிப்பதால் கர்ப்பிணியின் வயிற்று தழும்புகளை குறைக்கவும் உதவக்கூடும்.
