JOB | ரயில்வேயில் 9,144 காலியிடங்கள்..!! சம்பளம் எவ்வளவு தெரியுமா..? உடனே அப்ளை பண்ணுங்க..!!

ரயில்வே ஆட்சேர்ப்பு வாரியம் (RRB) டெக்னீஷியன் பதவிக்கு 9,000 வேலை வாய்ப்பு அறிவிப்புகளை சமீபத்தில் வெளியிட்டுள்ளது. அதன்படி, விண்ணப்ப நடைமுறை மார்ச் 9ஆம் தேதி தொடங்கி ஏப்ரல் 8ஆம் தேதி வரை செயலில் இருக்கும் என தெரிவிக்கப்பட்டுள்ளது. இந்த வேலைவாய்ப்பு அறிவிப்பு குறித்த முழு விவரங்களும் கீழே தொகுத்து வழங்கப்பட்டுள்ளன.

Technician Grade – I (Signal) – 1092 பணியிடங்கள் மற்றும் Technician Grade – III – 8052 பணியிடங்கள் என மொத்தம் 9,144 பணியிடங்கள் காலியாக உள்ளன. ரயில்வேயில் டெக்னீஷியன் பணிகளில் ஆர்வமுள்ள விண்ணப்பதாரர்கள் 10ஆம் வகுப்பு மற்றும் என்சிவிடி/எஸ்சிவிடி-அங்கீகரிக்கப்பட்ட நிறுவனத்தில் தொடர்புடைய டிரேடில் ஐடிஐ படிப்பை முடித்திருக்க வேண்டும்.

இப்பணிக்கு விண்ணப்பக் கட்டணமாக ரூ. 500 செலுத்த வேண்டும். SC/ST, முன்னாள் ராணுவத்தினர், மாற்றுத்திறனாளிகள், பெண்கள், திருநங்கைகள், சிறுபான்மையினர் அல்லது பொருளாதாரத்தில் பின்தங்கிய வகுப்பினர் விண்ணப்பக் கட்டணமாக ரூ.250 செலுத்தினால் போதும்.

டெக்னீசியன் கிரேடு I சிக்னல் பதவிக்கு 18 முதல் 36 வயதுக்குட்பட்ட விண்ணப்பதாரர்கள் விண்ணப்பிக்க தகுதியுடையவர்கள். டெக்னீசியன் கிரேடு III பணிக்கு, விண்ணப்பதாரர்கள் 18 முதல் 33 வயதுக்குள் இருக்க வேண்டும். ரயில்வே ஆட்சேர்ப்பு வாரியத்தால் குறிப்பிடப்பட்டுள்ள விதிகளின்படி, முன்பதிவு செய்யப்பட்ட பிரிவினர் அதிகபட்ச வயது வரம்பில் தளர்வுகளைப் பெறலாம்

மேலும் விவரங்களை அறிய : https://www.rrbcdg.gov.in/uploads/Detailed CEN 02-2024 (English).pdf

Read More : ’பத்திரிகையாளரையே சந்திக்க பயப்படும் மோடியிடம் வீரத்தை பற்றி பேசி என்ன பயன்’..!! விளாசிய கமல்..!!