அம்பேத்கர், காந்தி குறித்து பேசி அதிர விட்ட ஜான்வி கபூர்..! இணையத்தில் வைரல்!

அம்பேத்கரும், காந்தியும் விவாதம் நடத்தினால் நன்றாக இருக்கும் என நடிகை ஜான்வி கபூர் தெரிவித்துள்ளார். இவரின் இந்த வீடியோ இணையத்தில் வைரலாகி வருகிறது.

பாலிவுட் நடிகை ஜான்வி கபூர் நடிப்பில் உருவாகியுள்ள திரைப்படம் ‘மிஸ் அன் மிஸஸ் மஹி’ (Mr and Mrs Mahi). இப்படம் வரும் மே 31-ம் தேதி திரையரங்குகளில் வெளியாக உள்ளது. இது தொடர்பான புரொமோஷன் நிகழ்வுகளில் அவர் ஈடுபட்டு வருகிறார். அந்த வகையில் அண்மையில் அவர் அளித்த பேட்டி ஒன்றின் சிறு பகுதி சமூக வலைதளங்களில் வைரலாகி வருகிறது.

அதாவது, நேர்காணல் ஒன்றில் எந்த இரண்டு தலைவர்கள் விவாதம் செய்தால் நன்றாக இருக்கும் என அவரிடம் கேள்வி எழுப்பப்பட்டது. அதற்கு ஜான்வி, மகாத்மா காந்தியும் அம்பேத்கரும் விவாதம் நடத்தினால் நன்றாக இருக்கும் என அவர் பதில் சொல்லியிருப்பது பலரையும் ஆச்சரியப்பட வைத்துள்ளது.

அதில் அவர் பேசியிருப்பதாவது, “காந்தி, அம்பேத்கர் இருவருமே தேசம் குறித்தான அக்கறையுடன் இருந்தவர்கள். இவர்கள் எப்படி தங்கள் கருத்துகளை பரிமாறிக் கொள்கிறார்கள். நாட்டை வளர்ச்சி நிலைக்கு எடுத்து செல்ல என்ன யோசிப்பார்கள் என்பது குறித்து தெரிந்து கொள்ள ஆர்வமாக உள்ளேன்” என்றார். இந்த வீடியோவை நெட்டிசன்கள் வைரலாக்கியுள்ளனர்.

உலக பாரா தடகள சாம்பியன்ஷிப் : இந்தியாவின் ஆறாவது தங்கத்தை வென்றார் சிம்ரன் சர்மா..!