IPL 2025 : ஐபிஎல் தொடங்கும் தேதி அறிவிப்பு..!! - ரசிகர்கள் உற்சாகம்

2025 ஆம் ஆண்டுக்கான ஐபிஎல் தொடர் மார்ச் 14ஆம் தேதி தொடங்கி மே மாதம் 25 ஆம் தேதி வரை நடைபெறும் என தகவல் வெளியாகியுள்ளது.

இந்தியாவின் கிரிக்கெட் திருவிழா எனப்படும் 18ஆவது ஐபிஎல் போட்டிகள் அடுத்தாண்டு நடைபெற இருக்கிறது. ஐபிஎல் 2025 மெகா ஏலம் நவம்பர் 24 மற்றும் 25 ஆம் தேதிகளில் சவுதி அரேபியாவில் உள்ள ஜெட்டாவில் நடைபெற உள்ளது. இந்த ஏலத்திற்காக 1574 வீரர்களின் பெயர்கள் பரிந்துரைக்கப்பட்டனர், அதில் 574 வீரர்களின் பெயர்கள் தேர்வு செய்யப்பட்டன. இந்த ஏலத்தில் 12 மார்கியூ வீரர்களும் பங்கேற்கின்றனர்,

இந்த நிலையில் ஐபிஎல் 2025 ஆம் ஆண்டுக்கான தேதிகள் தற்போது அறிவிக்கப்பட்டுள்ளன. ஐபிஎல் 2025 மெகா ஏலத்திற்கான ஏற்பாடுகளுக்கு மத்தியில், சீசனின் தொடக்க தேதி வெளியிடப்பட்டுள்ளது ரசிகர்களை உற்சாகமடைய வைத்துள்ளது. ஐபிஎல் 2025 மார்ச் 14 முதல் தொடங்கப் போகிறது, அதன் இறுதிப் போட்டி மே 25 அன்று நடைபெறும். இருப்பினும், இந்த தேதிகள் இன்னும் அதிகாரப்பூர்வமாக உறுதிப்படுத்தப்படவில்லை.

KKR vs SRH : ஐபிஎல் 2024 இல், கொல்கத்தா நைட் ரைடர்ஸ் மற்றும் சன்ரைசர்ஸ் ஹைதராபாத் இடையே இறுதிப் போட்டி நடைபெற்றது. கேகேஆர் மூன்றாவது பட்டத்தை வென்றது. இதுபோன்ற சூழ்நிலையில், இப்போது ஐபிஎல் 2025 இல் கொல்கத்தா மற்றும் ஹைதராபாத் இடையே முதல் போட்டி நடைபெற உள்ளது. அதாவது KKR vs SRH இடையிலான முதல் போட்டி மார்ச் 14 அன்று நடைபெறும் என தகவல்கள் வெளியாகியுள்ளது

Read more ; சென்னை : சாலையோர வியாபாரிகளுக்கு ID CARD..!! இன்று முதல் சிறப்பு முகாம்