சாலையில் இருக்கும் விதவிதமான கோடுகளுக்கு என்ன அர்த்தம் தெரியுமா..? - கட்டாயம் தெரிஞ்சுக்கோங்க..
சாலையின் நடுவில் பாதி பாதியாக போடப்பட்டுள்ள வெள்ளைக் கோடுகளை பார்க்கிறோம். சாலையின் ஓரத்திலும் முழு வெள்ளைக் கோடுகள் இருக்கும். இவற்றுடன் சில இடங்களில் மஞ்சள் கோடுகளையும் காணலாம். இந்த மஞ்சள் கோடுகளிலும் இரட்டை மஞ்சள் கோடுகள் உள்ளன. திருப்பங்களில் மஞ்சள் மற்றும் வெள்ளை கோடுகள் உள்ளன. இப்படி பல கோடுகள் விபத்துகளை தவிர்க்க போடப்பட்டுள்ளன. வாகனங்கள் சீரான முறையில் சென்றால் விபத்துகள் தவிர்க்கப்படும். அதனால் தான் வாகனங்கள் செல்ல கோடுகள் போடப்பட்டு விதிமுறைகள் வகுக்கப்பட்டுள்ளன. அவற்றின் அர்த்தம் என்ன? என்பதை பற்றி இந்த செய்திகுறிப்பில் பார்க்கலாம்.
இடைவெளிவிட்டு போடப்பட்ட வெள்ளை கோடுகள் : அதேபோல் சாலையில் வெள்ளை கோடுகள் இடைவெளி விட்டு போடப்பட்டிருந்தால்
இடது புறமாக செல்லும் வாகன ஓட்டிகள், முன்னால் செல்லும் வாகனங்களை வலது புறம் கவனத்துடன் முந்தி செல்லலாம் என்று அர்த்தம். அதேபோல அந்த சாலையில் செல்லும் வாகனங்கள் இடைவெளி விட்டு செல்ல வேண்டும் என்றும் அர்த்தம்.
வெள்ளைக் கோடு : சாலையின் நடுவே எந்த ஒரு இடைவெளியும் இல்லாமல் நீளமான வெள்ளை கோடு போடப்பட்டிருந்தால் அந்த சாலையில் வேகமாக செல்லக்கூடாது. அதேபோல அந்த சாலையில் முன்னால் செல்லும் வாகனத்தை முந்தி செல்ல கூடாது என்று அர்த்தம்.
நீளமான மஞ்சள் கோடு : மஞ்சள் கோடு தெரிந்தால் உங்கள் வாகனம் தவறுதலாக இந்த மஞ்சள் கோட்டை கடக்கக்கூடாது என்று அர்த்தம். ஏனெனில் மஞ்சள் கோட்டின் மறுபுறம் கூட வாகனங்கள் வேகமாக செல்கின்றன. எதிரே வரும் வாகனத்தை முந்திச் செல்ல மஞ்சள் கோட்டைத் தாண்டினால் விபத்து நிச்சயம். நீங்கள் விரும்பினால், உங்களுக்கு முன்னால் உள்ள வாகனத்தை உங்களிடம் உள்ள இடத்தில் முந்திச் செல்லலாம். அதுமட்டுமின்றி, மஞ்சள் கோடு தாண்டி ஓவர்டேக் செய்யாதீர்கள்.
2 நீளமான மஞ்சள் கோடுகள் : எங்கும் இரட்டை மஞ்சள் கோடு தென்பட்டால் மிகவும் கவனமாக ஓட்ட வேண்டும். ஏனெனில் அதிக ஆபத்துள்ள பகுதிகளில் இரட்டை மஞ்சள் கோடுகள் பயன்படுத்தப்படுகின்றன. இங்கு வாகனங்கள் முந்திச் செல்வதைத் தடுக்க பயன்படுத்தப்படுகிறது. அதாவது உங்களுக்கு இருக்கும் சாலை இடத்தில் கூட முன்னால் செல்லும் வாகனத்தை முந்திச் செல்லக் கூடாது. இந்த விதியை கண்டிப்பாக பின்பற்ற இரட்டை மஞ்சள் கோடு வரையப்பட்டுள்ளது.
வரிக்குதிரை குறுக்கு வரி : மக்கள் சாலையைக் கடக்க நெடுஞ்சாலைகளிலும் பிற சாலைகளிலும் வரிக்குதிரைக் கோடுகள் வைக்கப்பட்டுள்ளன. இவை இருக்கும் இடத்தில் மட்டுமே மக்கள் சாலையை கடக்க வேண்டும். இவை இல்லாத சாலையை கடந்தால் விபத்துகள் ஏற்பட வாய்ப்பு உள்ளது. ஓட்டுனர்களும் வாகனங்களை மெதுவாக இயக்க வேண்டும். சாலையை யார் கடப்பார்கள் என்று தெரியாததால், திடீரென்று யாராவது வர வாய்ப்பு உள்ளது. எனவே ஜீப்ரா லைன்கள் இருக்கும் போது டிரைவர்கள் கவனமாக வாகனத்தை ஓட்ட வேண்டும்.
