கைதாகிறாரா அமைச்சர் பொன்முடி..? நவ.30ஆம் தேதி நேரில் ஆஜராக அமலாக்கத்துறை உத்தரவு..!!

சட்டவிரோத பணப்பரிவத்தனை வழக்கில் அமைச்சர் பொன்முடி நவம்பர் 30ஆம் தேதி நேரில் ஆஜராக வேண்டுமென்று அமலாக்கத்துறை அதிகாரிகள் சம்மன் அனுப்பியுள்ளனர். திமுக அமைச்சர்களை குறிவைத்து, வருமான வரித்துறை மற்றும் அமலாக்கத்துறை தொடர்ந்து சோதனைகளை நடத்தி வருகிறது.

அதன்படி, சட்டவிரோத பணப்பரிவர்த்தனை புகாரில் கடந்த மாதம் உயர்கல்வித்துறை அமைச்சர் பொன்முடிக்கு தொடர்புடைய இடங்களில் அமலாக்கத்துறை அதிகாரிகள் அதிரடி சோதனை நடத்தினர். இந்த சோதனையின் முடிவில் சில முக்கிய ஆவணங்கள் கைப்பற்றப்பட்டதாக கூறப்படுகிறது.

இதனைத்தொடர்ந்து, அமலாக்கத்துறையினர் பொன்முடியை அலுவலகத்துக்கு வரவழைத்து விசாரணை நடத்தி அனுப்பினர். இந்நிலையில், நவம்பர் 30ஆம் தேதி நேரில் ஆஜராகுமாறு அமைச்சர் பொன்முடிக்கு அமலாக்கத்துறை மீண்டும் சம்மன் அனுப்பியுள்ளது. இதேபோல், முன்னதாக திமுக அமைச்சர் துரைமுருகனின் மகன் கதிர் ஆனந்துக்கும் அமலாக்கத்துறை சம்மன் அனுப்பியது குறிப்பிடத்தக்கது.