நாடாளுமன்ற தேர்தலில் நடிகர் விஜய் போட்டியா..? எந்த தொகுதி..? பொதுச்செயலாளர் புஸ்ஸி ஆனந்த் பதில்..!!

லோக்சபா தேர்தலில் போட்டியிடுவது குறித்து நடிகர் விஜய் அறிவிப்பார் என விஜய் மக்கள் இயக்கத்தின் பொதுச்செயலாளர் புஸ்ஸி ஆனந்த் தெரிவித்துள்ளார்.

சிவகங்கை மாவட்டம், சிவகங்கையில் வேலுநாச்சியாரின் 249-வது பிறந்த நாளை முன்னிட்டு அவரது உருவச்சிலைக்கு விஜய் மக்கள் இயக்க பொதுச்செயலாளர் புஸ்ஸி ஆனந்த் மாலை அனிவித்து மரியாதை செலுத்தினார்.

இதனைத் தொடர்ந்து செய்தியாளர்களிடம் பேசிய அவர், ”நாடாளுமன்ற தேர்தலில் போட்டியிடுவது குறித்து தளபதி அறிவிப்பார். விஜய் மக்கள் இயக்கம் ஏற்கனவே மக்களுக்கான பல்வேறு சேவையில் தளபதியின் ஆணைக்கிணங்க ஈடுபட்டுவரும் சூழலில் தொடர்ந்து மக்கள் சேவையில் ஈடுபடுவோம்” என்று தெரிவித்தார்.