260 பேரை கூண்டோடு கைது செய்த ஈரான்!… சாத்தானியம் மற்றும் ஆபாச கலாச்சாரத்தை பரப்பியதால் அதிரடி!

Iran Arrest: சாத்தானியம் மற்றும் நிர்வாண கலாச்சாரத்தை பரப்பியதற்காக சந்தேகத்தின் அடிப்படையில் ஐரோப்பிய குடிமக்கள் 3 பேர் உட்பட 260க்கும் மேற்பட்டோரை ஈரான் போலீசார் கைது செய்துள்ளனர்.

தொடர்பில்லாத ஆண்களும் பெண்களும் ஒன்றாகக் கூடுவது ஈரானில் சட்டவிரோதமானது மற்றும் இஸ்லாமிய சட்டத்தின் கீழ் பாவமாகக் கருதப்படுகிறது. இந்தநிலையில், கடந்த வியாழக்கிழமை அன்று தெஹ்ரானின் தலைநகருக்கு மேற்கே உள்ள ஷஹ்ரியார் கவுண்டியில் "சாத்தானியம் மற்றும் நிர்வாண கலாச்சாரத்தை பரப்பியதற்காக" மிகப்பெரிய கைது நடவடிக்கையை ஈரான் அரசு எடுத்துள்ளது. அதாவது, ஒரே இரவில் 3 ஐரோப்பிய குடிமக்கள் உட்பட 260க்கும் மேற்பட்டோரை சந்தேகத்தின் பேரில் போலீசார் கைது செய்துள்ளனர்.

கைது செய்யப்பட்டவர்களில் 146 ஆண்கள், 115 பெண்கள் மற்றும் 3 ஐரோப்பிய குடிமக்கள் உள்ளடங்குவதாக ஐஆர்என்ஏ அறிக்கை தெரிவித்துள்ளது. சந்தேக நபர்களின் உடைகள் மற்றும் உடல்களில் சாத்தானின் அடையாளங்களுடன் "விரும்பத்தகாத மற்றும் ஆபாசமான சூழ்நிலையில்" சிக்கியதாக IRNA கூறியது.

காதணிகள் அல்லது பச்சை குத்தல்களில் இத்தகைய சின்னங்கள் பொதுவானவை, ஆனால் அவை ஈரானில் தடைசெய்யப்பட்டுள்ளன. சந்தேக நபர்களிடம் இருந்து போதைப்பொருள் மற்றும் மதுபானங்கள் பறிமுதல் செய்யப்பட்டதாக அந்த அறிக்கையில் தெரிவிக்கப்பட்டுள்ளது. ஈரானிய அதிகாரிகள் கலப்பு-பாலின விருந்துகளில் பங்கேற்பவர்கள் மற்றும் மது அருந்துபவர்களை அவ்வப்போது கைது செய்கின்றனர். மது அருந்துவதும் சட்டவிரோதமானது மற்றும் தொடர்பில்லாத முஸ்லீம் ஆண்களும் பெண்களும் பொது இடங்களில் ஒன்றாக கலந்து ஆட முடியாது என்பது குறிப்பிடத்தக்கது.

Readmore: ஷாக்!… ஒரே வாரத்தில் 25,000 பேர் கொரோனா பாதிப்பு!… புதிய அலையின் தொடக்கம்!