CSK கேப்டன் தோனி தொடர்ந்த வழக்கு.! தமிழக ஐபிஎஸ் அதிகாரிக்கு 15 நாள் சிறை.! ஹை கோர்ட் அதிரடி தீர்ப்பு.!

இந்திய அணியின் முன்னாள் கேப்டன் மகேந்திர சிங் தோனி தொடர்ந்த வழக்கில் தமிழக ஐபிஎஸ் அதிகாரி சம்பத்குமார் என்பவருக்கு 15 நாள் சிறை தண்டனை வழங்கி நீதிமன்றம் தீர்ப்பளித்திருக்கும் சம்பவம் பரபரப்பை ஏற்படுத்தி இருக்கிறது.

கடந்த 2013 ஆம் ஆண்டு நடைபெற்ற ஐபிஎல் சூதாட்ட குற்றச்சாட்டில் சென்னை சூப்பர் கிங்ஸ் அணியின் ஓனர் குருநாத் மெய்யப்பன் சம்பந்தப்பட்டிருந்தது குறிப்பிடத்தக்கது. இது தொடர்பாக தோனியின் மீது அவதூறு சுமத்தியது தொடர்பாக ஜீ டிவி மற்றும் அந்த வழக்கை விசாரித்த சம்பத்குமார் ஆகியோர் மீது வழக்கு தொடர்ந்திருந்தார் தோனி.

இது தொடர்பாக ஜீ டிவி உட்பட நிறுவனங்கள் அறிக்கையின் மூலம் பதில் அளித்திருந்த நிலையில் சம்பத்குமார் மேற்கொண்டு தன் மீது அவதூறு சுமத்துவது கோர்ட்டை அவமதிக்கும் நடவடிக்கை என தோனி வழக்கு பதிவு செய்திருந்தார். இந்த வழக்கை விசாரித்த சென்னை உயர்நீதிமன்றம் சம்பத்குமாருக்கு 15 நாட்கள் சிறை தண்டனை வழங்கி தீர்ப்பளித்திருக்கிறது. ஐபிஎஸ் அதிகாரிக்கு இது தொடர்பாக அப்பீல் செய்வதற்கு நீதிபதிகள் 30 நாள் அவகாசம் கொடுத்துள்ளனர்.