வாட்ஸ்அப் வாய்ஸ் மெசேஜை படிக்கும் வசதி அறிமுகம்

வாட்ஸ்அப் வாய்ஸ் மெசேஜை படிக்கும் வசதி ஆண்ட்ராய்டு பயனர்களுக்கு விரைவில் வழங்கப்படும் என மெட்டா நிறுவனம் தெரிவித்துள்ளது.

அதாவது, ஆடியோ மெசேஜ்களை டெக்ஸ்டாக படிக்க இந்த அம்சம் பயன்படுத்தப்படும். மேலும், வாட்ஸ்அப் பீட்டா வெர்ஷன் 2.24.7.7 மூலம் சோதனை அடிப்படையில் இந்த வசதி வழங்கப்படும் என தெரிவிக்கப்பட்டுள்ளது.

இதனால், வாட்ஸ்அப் பயனர்கள் டிரான்ஸ்கிரிப்ஷனை அன்லாக் செய்ய கூடுதலாக 150 எம்.பி டேட்டா செலவிட வேண்டும். டிரான்ஸ்கிரிப்ஷன் டவுன்லோடு செய்யப்பட்டதும், ஆடியோவை கேட்டாகமலே டெக்ஸ்ட் (Text) மூலம் தகவலை தெரிந்து கொள்ளலாம்.

வாட்ஸ்அப் உங்கள் போனில் உள்ள Speech recognition பயன்படுத்தி என்ட்-டு-எண்ட் என்க்ரிப்ட் செய்யப்பட்ட டிரான்ஸ்கிரிப்ட்களை வழங்குகிறது. அதோடு பயனர் பாதுகாப்பை உறுதிப்படுத்தும் வகையில், டிரான்ஸ்கிரிப்ஷன் உங்கள் மொபைலிலேயே செய்யப்படும். இந்த அம்சம் ஆண்ட்ராய்டு பயனர்களுக்கு விரைவில் வழங்கப்படும் என மெட்டா நிறுவனம் தெரிவித்துள்ளது.