சர்வதேச புலிகள் தினம் 2024!. வரலாறு!. முக்கியத்துவம்!. பிரதமர் மோடியின் அறிவுறுத்தல்!

International Tiger Day 2024: புலிகளை டி.வி. சேனல்களில் பார்த்திருப்பார்கள். சிலர் மிருகக் காட்சி சாலைகளிலும் பார்த்திருக்கக் கூடும். ஆனால் காடுகளிலோ, புல்வெளிகளிலோ நேரடியாக புலிகளை பார்த்தவர்கள் அரிதிலும் அரிது.மனிதர்கள் ஒரு காலத்தில் விலங்குகளை பார்த்து அஞ்சுவதில் புலிக்கு முதலிடம் உண்டு. அதன் 100லிருந்து 300 கிலோ வரை இருக்கும் உடலின் எடையும், 8-13 அடி வரையான நீளமும் மனிதர்களை அச்சுறுத்துபவைகளில் ஒன்று.

குறிப்பாக, புலிகள்தான் பச்சை பசேல் என காட்சியளிக்கும் வனத்தின் முக்கிய ஆதாரமாகவும், உணவு சங்கிலியில் முக்கிய பங்கு வகிக்கிறது. புலிகளின் எச்சங்கள் தான் பூஞ்சை காளான்களை உருவாக்கி பல்லுயிர் பெருக்கத்திற்கு வழி வகுக்கின்றன. ஒரு நாட்டின் மிக முக்கிய பொருளாதாரத்தை நிர்ணயிக்கக் கூடிய சக்தியாக புலிகள் இருந்து கொண்டிருக்கிறது.

அதுமட்டுமல்ல்லாது. பல்லாயிரம் ஆண்டுகளாக நிலைநிறுத்திக் கொண்டிருக்கும் வனப்பகுதிகளும் இயற்கை வளங்களும் பாதுகாக்கக் கூடிய மிகப்பெரிய அம்சமாக வனப்பகுதிகளில் புலிகள் இருக்க வேண்டும் என்பதற்காக இயற்கை வல்லுநர்கள், ஆராய்ச்சியாளர்கள் பல ஆண்டுகள் ஆராய்ச்சி மேற்கொண்டு, புலிகள் காடுகளில் இருந்தால் மட்டுமே அந்த காடுகள் வளமிக்க காடுகளாக இருக்க முடியும் என்பதையும், நீடித்த பொருளாதாரத்தைக் கொண்டு செல்லும் பணியை மேற்கொள்வது புலிதான் என்பது குறித்து விளிப்புணர்வை மக்களுக்கு ஏற்படுத்திக் கொண்டுள்ளனர்.

புலிகளைப் பாதுகாப்பது குறித்த விழிப்புணர்வை ஏற்படுத்துவதற்காக ஒவ்வொரு ஆண்டும் ஜூலை 29ஆம் தேதி சர்வதேச புலிகள் தினம் கொண்டாடப்படுகிறது. உலகளவில் பல பிராந்தியங்களில் அழிந்து வரும் உயிரினங்களாக பட்டியலிடப்பட்டுள்ள புலிகள், வாழ்விட இழப்பு மற்றும் வேட்டையாடுதல் உள்ளிட்ட பல அச்சுறுத்தல்களை எதிர்கொள்கின்றன. உலக அளவில் புலிகள் மற்றும் அவற்றின் இயற்கை வாழ்விடங்களைப் பாதுகாப்பதற்கான ஒரு விரிவான முயற்சியாக உலகெங்கிலும் உள்ள நாடுகள் இந்த நாளைக் கொண்டாடுகின்றன. மனிதர்களும் புலிகளும் இணக்கமாக வாழ வேண்டும் என்பதற்காக சர்வதேச புலிகள் தினம் கொண்டாடப்படுகிறது.

வரலாறு: 2010 ஆம் ஆண்டு ரஷ்யாவில் நடைபெற்ற செயின்ட் பீட்டர்ஸ்பர்க் புலிகள் மாநாட்டின் போது சர்வதேச புலிகள் தினம் அல்லது உலகளாவிய புலிகள் தினம் முதன்முறையாக முன்மொழியப்பட்டது. பல நாடுகள் புலிகளைப் பாதுகாப்பதற்கான ஒப்பந்தத்தில் சேர ஒப்புக்கொண்டன. இந்த நாடுகளில் இந்தியா, ரஷ்யா மற்றும் சீனா உட்பட பதின்மூன்று புலிகள் எல்லை நாடுகள் இருந்தன. செயின்ட் பீட்டர்ஸ்பர்க் உச்சிமாநாட்டில், 2022 ஆம் ஆண்டளவில் புலிகளின் எண்ணிக்கையை இரட்டிப்பாக்குவதற்கான தீர்மானத்திற்கு நாடுகள் உறுதியளித்தன, இதுவும் சீனாவின் புலி ஆண்டாகும். அன்றிலிருந்து ஒவ்வொரு ஆண்டும் சர்வதேச புலிகள் தினம் கொண்டாடப்பட்டு வருகிறது.

முக்கியத்துவம்: ஆசியா மற்றும் ஆப்பிரிக்காவில் புலிகள் அதிகம் காணப்படுகின்றன. துரதிர்ஷ்டவசமாக, வேட்டையாடுதல் மற்றும் வாழ்விட இழப்பு ஆகியவற்றின் காரணமாக, 95 சதவீதத்திற்கும் அதிகமான புலிகள் கொல்லப்பட்டன, மீதமுள்ள 5 சதவீதம் கடுமையாக ஆபத்தில் உள்ளன. உணவுச் சங்கிலி மற்றும் சுற்றுச்சூழல் அமைப்புகளின் சமநிலையை பராமரிப்பதில் புலிகள் முக்கிய பங்கு வகிக்கின்றன. இந்த விலங்குகள் அழியும் முன் காப்பாற்ற வேண்டியது அவசியம். சுற்றுச்சூழலுக்கு புலிகளின் முக்கியத்துவம், உடல் உறுப்புகளை வேட்டையாடுவதால் அவை எதிர்கொள்ளும் அச்சுறுத்தல்கள் மற்றும் அழிந்து வரும் இந்த உயிரினத்தைப் பாதுகாக்க தேவையான உடனடி நடவடிக்கைகள் அனைத்தும் சர்வதேச புலிகள் தினத்தில் சிறப்பிக்கப்படுகின்றன.

இந்தியாவின் தேசிய விலங்கு: வலிமை, விரைந்தோடும் இயல்பு, பேராற்றல் ஆகியவை புலிக்கு இந்திய தேசிய விலங்கு என்ற பெருமையைப் பெற்றுத் தந்திருக்கிறது. 1973-ல் வங்காளப் புலி (பெங்கால் டைகர்) இந்தியாவின் தேசிய விலங்காக அறிவிக்கப்பட்டது. ஒருகட்டத்தில் பல்வேறு காரணங்களால் புலிகளின் எண்ணிக்கை வெகுவேகமாக குறையத் தொடங்கியது. இதனால், புலிகளைப் பாதுகாக்க பல்வேறு நடவடிக்கைகள் மேற்கொள்ளப்பட்டன.

இந்தாண்டு புலிகள் தினத்தின் கருப்பொருள் செயல்பாடுக்கான அழைப்பு என்பதாகும். தற்போது வன விலங்கு குற்றங்களைக் குறைக்க நடவடிக்கைகள் முடுக்கிவிடப்பட்டுள்ளன. பாதுகாக்கப்பட்ட பகுதிகளை ஏற்படுத்துவது, உள்ளூர் மக்களின் உதவியுடன் புலிகளை காப்பது, பொதுமக்களுக்கு விழிப்புணர்வை ஏற்படுத்துவது என இந்த நாளில் பல்வேறு முன்னெடுப்புகள் மேற்கொள்ளப்படுகின்றன. எதிர்காலம் நம் கைகளில் என்பது ஒவ்வொரு ஆண்டு புலிகள் தினத்தின் அறைகூவலாக இருக்கும்.

உலக இயற்கை பாதுகாப்பு தினத்தில் காடு மற்றும் வனவிலங்கு பாதுகாப்பில் சமூகம் நடத்தும் முயற்சிகளை பிரதமர் நரேந்திர மோடி எடுத்துரைத்தார், ராஜஸ்தானின் 'குல்ஹாடி பேண்ட் பஞ்சாயத்து' போன்ற பிரச்சாரங்களைக் குறிப்பிட்டார். உ.பி.யில் 'பாக் மித்ரா காரியக்ரம்' போன்ற முன்முயற்சிகள் மற்றும் மகாராஷ்டிரா மற்றும் ஆந்திராவில் பழங்குடியினரின் ஈடுபாடு போன்ற முன்முயற்சிகளை அவர் வலியுறுத்தினார், இந்தியாவின் புலிகளின் எண்ணிக்கையை அதிகரிப்பதில் அவர்களின் பங்கை கோடிட்டுக் காட்டினார், இது உலகின் மொத்த எண்ணிக்கையில் 70% ஆகும்.

சர்வதேச புலிகள் தினத்தை கொண்டாடும் நிலையில், பெரிய பூனைகளை பாதுகாப்பது மட்டுமல்லாமல் சுற்றுச்சூழல் சுற்றுலாவை மேம்படுத்தும் சமூகம் தலைமையிலான முயற்சிகளின் சில உதாரணங்களையும் மோடி பகிர்ந்து கொண்டார்.

Readmore: ஜெர்மனிக்கு ஏவுகணைகளை அனுப்பினால்!. அமெரிக்காவிற்கு ரஷ்ய அதிபர் புதின் எச்சரிக்கை!