IND vs SA!. ருதுராஜ் கெய்க்வாட் ஏன் இடம்பெறவில்லை!. ரகசியத்தை உடைத்த சூர்யகுமார் யாதவ்!

Ruturaj Gaikwad: ருதுராஜ் கெய்க்வாட் இதுவரை இந்தியாவுக்காக 23 டி20 போட்டிகளில் விளையாடியுள்ளார், அதில் அவர் 39.6 சராசரியில் ரன்கள் எடுத்துள்ளார். இதுவரை 20 இன்னிங்ஸ்களில் பேட்டிங் செய்து 633 ரன்கள் எடுத்துள்ளார். இந்த 20 இன்னிங்ஸ்களில் அவர் ஒரு சதம் மற்றும் நான்கு அரைசதங்களையும் அடித்துள்ளார். இது தவிர, ஐபிஎல் மற்றும் பிற உள்நாட்டு லீக் போட்டிகளை எடுத்துக் கொண்டால், கெய்க்வாட் தனது டி20 வாழ்க்கையில் 140 போட்டிகளில் விளையாடி 4,751 ரன்கள் எடுத்துள்ளார். இந்த வடிவத்தில் 6 சதங்களும் அடித்துள்ளார்.

ஜிம்பாப்வேக்கு எதிரான தொடரில் கூட, இந்திய அணிக்காக அதிக ரன்கள் எடுத்தவர்களில் ருதுராஜ் கெய்க்வாட் ஒருவர். அவர் ஜிம்பாப்வே சுற்றுப்பயணத்தில் 77 மற்றும் 49 ரன்களில் இன்னிங்ஸ் விளையாடி ஈர்க்கப்பட்டார். இருந்த போதிலும் அஜித் அகர்கர் தலைமையிலான தேர்வுக் குழு தென்னாப்பிரிக்காவுக்கு எதிரான தொடரில் கெய்க்வாடுக்கு வாய்ப்பளிக்கவில்லை.

இந்தநிலையில், இன்று இந்தியா-தென்னாப்பிரிக்கா அணிகளுக்கிடையிலான முதல் டி20 போட்டி நடைபெறுகிறது. இதுகுறித்து பேட்டியளித்த இந்திய கேப்டன் சூர்யகுமார் யாத்வ், நான் எப்போதுமே டி20 கிரிக்கெட்டில் அதிரடியாக விளையாட விரும்புபவன். அதனால்தான் என்னால் தொடர்ச்சியாக அதிரடியான ஆட்டத்தை வெளிப்படுத்த முடிகிறது. ஆனால் களத்தில் ஒரு கேப்டனாக செயல்படும்போது நான் ஆக்ரோஷமாக செயல்பட முடியாது. ஏனெனில் களத்தில் நிற்கும் அனைத்து வீரர்களின் மனநிலையையும் நான் ஒரு கேப்டனாக புரிந்து வைத்துக்கொள்ள வேண்டும்.

அதனாலேயே ஆக்ரோஷமாக இல்லாமல் அமைதியான கேப்டனாக இருக்கிறேன். ஒவ்வொரு வீரர்களின் மனநிலையும் புரிந்து கொண்டால் மட்டுமே அணியை ஒருங்கிணைத்து அவர்களிடம் இருந்து திறமையை வெளிக்கொண்டுவர முடியும். அதற்கான சுதந்திரத்தையும் ஒரு கேப்டனாக நான் அனைத்து வீரர்களுக்கும் வழங்கி வருகிறேன். அதேபோன்று களத்திற்கு உள்ளேவும் வெளியேயும் வீரர்களுடன் அதிக நேரத்தை செலவழித்து அவர்களை புரிந்து கொள்ள முயற்சிக்கிறேன். இதன் மூலம் வீரர்களுக்கும் எனக்குமான புரிதல் நன்றாக இருக்கும் என்று கூறினார்.

ருதுராஜ் கெய்க்வாட்டிற்கு ஏன் டி20 அணியில் இடம் கிடைக்கவில்லை? என்ற கேள்விக்கு பதிலளித்த சூர்யகுமார் யாதவ், ருதுராஜ் கெய்க்வாட் மூன்று வகையான கிரிக்கெட்டிலும் சிறப்பாக தான் செயல்படுகிறார். இருந்தாலும் அவருக்கு முன்னதாக அணியில் இடம் பிடித்த பலவீரர்கள் சிறப்பாக விளையாடி வருகின்றனர். எனவே வரிசையாக ஒவ்வொருவருக்கும் அணி நிர்வாகம் தேவைப்படும்போது வாய்ப்பு வழங்கி வருகிறது.

அந்த வகையில் ருதுராஜ் கெய்க்வாட்டிற்கும் இனிவரும் காலங்களில் வாய்ப்பு கிடைக்கும். எனவே அவர் சற்று பொறுமை காக்க வேண்டியது அவசியம். என்னை பொறுத்தவரை நிச்சயம் அவர் மூன்று வகையான அணியிலும் இடம் பிடிக்கக்கூடிய தகுதியான வீரர் தான் என்று சூர்யகுமார் யாதவ் கூறியுள்ளார்.

Readmore: காதலித்த பெண்ணை பாலியல் பலாத்காரம் செய்து ஏமாற்றிய பின்னணி பாடகர் தலைமறைவு…!