”நான் சின்ன பொண்ணு... ரொம்ப வலித்தது”..!! "கோபத்துடன் தான் நடித்தேன்"..!! இதற்கெல்லாம் பிரபுதேவா தான் காரணம்..!!

ரோஜா படம் மூலம் ஏராளமான ரசிகர்கள் மனதில் இடம் பிடித்தவர் மது. மிஸ்டர் ரோமியோ படம் தொடர்பாக அவர் முன்பு அளித்த பேட்டியில், “மிஸ்டர் ரோமியோ படத்தில் பிரபு தேவாவுடன் தண்ணீர் காதலுக்கு பாடலில் நடித்தேன். அந்த காட்சியில் பிரபு தேவாவின் ஈகோவை மனதில் வைத்து தான் நடித்தேன்.

அப்போது, டாப் டான்ஸராக இருந்தவர் பிரபு தேவா. நான் ஒரு சின்ன நடிகை தான். அந்த பாடலை படமாக்கும் முன் எனக்கு நடனம் கற்பிக்க உதவியாளரை விட்டுவிட்டு என் அறையை விட்டு பிரபுதேவா வெளியேறினார். அது என்னை மிகவும் காயப்படுத்தியது. அவர் செய்த செயல் ரொம்ப வலித்தது. நான் சின்ன பெண்ணாக இருந்ததால் உதவியாளரிடம் சொல்லிக் கொடுக்கச் சொல்லி விட்டுச் சென்றாரோ என்று யோசித்தேன். இரண்டரை மணி நேரம் கழித்து அவர் வருவதற்குள், நான் அனைத்து ஸ்டெப்களையும் கற்றுக் கொண்டு மேக்கப்புடன் தயாராகிவிட்டேன்.

அவருடன் ஈகோ ஏற்படுத்தியது. அந்த கோபத்தில் அந்த பாடலில் நடித்தேன். ஆனால், பாடல் ஹிட் ஆகி நிறைய பாராட்டுக்களைப் பெற்றேன். இப்போது அந்தப் பாடலைப் பார்க்கும்போது அதுதான் முதலில் நினைவுக்கு வருகிறது’ என்றார். மேலும், “ஹீரோக்களுக்கு கேரியர் பிரேக் கிடைப்பதில்லை. ஆனால், கதாநாயகிகளுக்கு திருமணத்துக்குப் பிறகு பொறுப்புகள் காரணமாகவோ அல்லது உடல்நிலை காரணமாகவோ இடைவெளி தேவைப்படுகிறது.

ஆனால், இன்றைக்கு ஒரு நடிகை மீண்டும் நடிக்க முடியாது என்று நினைத்தால் தான் அது பிரச்சனை. எனக்கு வயதாகிவிட்டதால், அப்படிப்பட்ட வேடங்களில் நடிக்க முடியாது என்று ஒருமுறை நினைத்துக் கொண்டால், என்னால் முன்னேறவே முடியாது. அதை உடைத்து வெளியே வர வேண்டும்” என்றார்.

Read More : BREAKING | 100 நாள் வேலை திட்ட ஊதியம் அதிரடி உயர்வு..!! ரூ.319ஆக உயர்த்தி தமிழ்நாடு அரசு அறிவிப்பு..!!