மாதம் ரூ.2000 சேமித்தால், ரூ.27 லட்சம் பெறலாம்.. இந்த போஸ்ட் ஆபிஸ் திட்டம் பற்றி தெரியுமா?

மத்திய அரசு பொதுமக்களின் நலனுக்காக பல்வேறு திட்டங்களை செயல்படுத்தி வருகிறது. குறிப்பாக நாடு முழுவதும் உள்ள தபால் நிலையங்கள் மூலம் பல சிறு சேமிப்பு திட்டங்கள் செயல்படுத்தப்பட்டு வருகின்றன. அரசின் திட்டங்கள் என்பதால் இது பாதுகாப்பான முதலீடாகவும் கருதப்படுகிறது. லட்சக்கணக்கான மக்கள் போஸ்ட் ஆபீஸ் திட்டம் மூலம் பயனடைந்து வருகின்றனர்.

அந்த வகையில் கிராமப்புற மக்களுக்காக மத்திய அரசு சிறப்பு காப்பீட்டுத் திட்டத்தை செயல்படுத்தி வருகிறது.. அனைவருக்கும் காப்பீட்டு பயன்களை வழங்குவதை இந்தத் திட்டத்தின் நோக்கம் ஆகும். கிராமப்புற அஞ்சல் ஆயுள் காப்பீட்டுத் திட்டம் 1995 இல் தொடங்கப்பட்டது. இந்தத் திட்டம் ரூ.10,000 முதல் ரூ.10 லட்சம் வரை காப்பீட்டுத் தொகையை வழங்குகிறது, இது கிராமப்புற மக்களுக்கு பயனளிக்கிறது.

18 முதல் 55 வயது வரை உள்ளவர்கள் கிராமப்புற அஞ்சல் ஆயுள் காப்பீட்டுத் திட்டத்தில் முதலீடு செய்யலாம். இந்த திட்டத்தில் சேர உங்கள் அருகிலுள்ள அஞ்சல் அலுவலகத்திற்குச் செல்லவும். தேவையான ஆவணங்கள் ஆதார் அட்டை, பான் அட்டை மற்றும் புகைப்படங்கள் சமர்ப்பிக்கப்பட வேண்டும்.

தற்காலிக நிதிச் சிக்கல்களைச் சந்தித்தாலும், ஒன்று அல்லது இரண்டு ஆண்டுகளுக்குப் பிறகு இந்தக் காப்பீட்டை மீண்டும் தொடங்கலாம். பாலிசிதாரர் விபத்தில் இறந்தால், காப்பீட்டுத் தொகை நாமினிக்கு வழங்கப்படும்.

உதாரணமாக, 19 வயதுடைய ஒருவர் அஞ்சல் அலுவலக காப்பீட்டுக் கொள்கையை ரூ.10 லட்சத்திற்கு எடுத்தால், அவர் மாத பிரீமியம் ரூ.5278 செலுத்த வேண்டும். 16 ஆண்டுகளுக்குப் பிறகு, 35 வயதில், முதிர்வுத் தொகை 17.68 லட்சமாக இருக்கும்.

முதிர்வு வயது 40 ஆண்டுகள் என நிர்ணயிக்கப்பட்டால், அதாவது 21 ஆண்டுகால பாலிசி, மாத பிரீமியம் ரூ.3866 போதுமானது. முதிர்வுக்குப் பிறகு, ரூ. 20 லட்சத்திற்கு மேல் பெறுவீர்கள்.இந்தக் காப்பீட்டை 31 ஆண்டுகள் தொடர மாதம் ரூ.2500 வரை டெபாசிட் செய்ய வேண்டும், இதன் விளைவாக முதிர்வுத் தொகை ரூ.24.88 லட்சம். ரூ.2,000 மாத பிரீமியத்துடன் 36 ஆண்டு பாலிசி ரூ.27.28 லட்சம் முதிர்வுத் தொகையை அளிக்கிறது.

Read More : உங்ககிட்ட இருக்கும் 500 ரூபாய் நோட்டு கள்ள நோட்டா? ஈஸியா கண்டுபிடிக்கலாம்.. எப்படி தெரியுமா?