ஐசிசி தரவரிசை..!! உலகின் நம்பர் 1 டி20 பந்துவீச்சாளர் ஆனார் ரவி பிஷ்னோய்..!!

இந்தியா - ஆஸ்திரேலியா இடையேயான டி20 தொடர் சமீபத்தில் முடிவடைந்தது. இந்த தொடருக்கு பிறகு இந்திய அணி, தென்னாப்பிரிக்காவிற்கு சுற்றுப்பயணம் மேற்கொண்டு மூன்று வடிவிலான தொடர்களிலும் விளையாட உள்ளது. இந்நிலையில், ஆஸ்திரேலியாவுக்கு எதிரான டி20 தொடருக்கு பிறகு சர்வதேச கிரிக்கெட் கவுன்சில் டி20 தரவரிசை பட்டியலை வெளியிட்டது. இதில், நம்பமுடியாத வகையில் இந்திய அணியின் தொடக்க வீரர் ருதுராஜ் கெய்க்வாட் மற்றும் லெக் ஸ்பின்னர் ரவி பிஷ்னோய் டாப் 10 பட்டியலுக்குள் இடம் பிடித்துள்ளனர்.

தற்போது பேட்ஸ்மேன்கள் பட்டியலில் 673 புள்ளிகளுடன் ருதுராஜ் கெய்க்வாட் ஏழாவது இடத்திற்கு முன்னேறியுள்ளார். இந்த ஆஸ்திரேலியா தொடருக்கு முன்னதாக, ருதுராஜ் கெய்க்வாட் தரவரிசை பட்டியலில் 79-வது இடத்தில் இருந்தார் என்பது குறிப்பிடத்தக்கது. 

இந்நிலையில், இந்திய சுழற்பந்து வீச்சாளர் ரவி பிஷ்னோய் இந்தியா மற்றும் ஆஸ்திரேலியா டி20 தொடரின் போது தனது அற்புதமான ஆட்டத்திற்காக மிகப்பெரிய வெகுமதியைப் பெற்றதால், உலகின் நம்பர் 1 டி20 பந்து வீச்சாளராக ஆனார். பிஷ்னோய், ஆப்கானிஸ்தானின் ரஷித் காண்டை முதலிடத்திலிருந்து இடமாற்றம் செய்துள்ளார்.