மனைவியை கொன்றதற்காக 4 ஆண்டுகள் சிறையில் இருக்கும் கணவர்..!! திடீரென உயிரோடு வந்ததால் வழக்கில் ட்விஸ்ட்..!!

ஒரு த்ரில்லர் திரைப்படத்தின் ஸ்கிரிப்ட் போன்ற ஒரு வழக்கில், பீகாரில் ஒரு நபர் தனது மனைவியைக் கொலை செய்ததற்காக கைது செய்யப்பட்டார். ஆனால், பல ஆண்டுகளுக்குப் பிறகு இறந்ததாக கூறப்படும் மனைவி உயிருடன் இருக்கிறார்.

ஆராவில் வசிக்கும் தரம்ஷீலா தேவி என்ற பெண், தனது கணவரின் சித்ரவதை, கொடுமையை அடுத்து, பெற்றோரின் வீட்டிற்கு திரும்பினார். ஆனால், சிறிது நாட்களில் அந்த பெண்ணின் தாய் இறந்துவிட்டார். இது அவரது வாழ்க்கையில் பெரும் தாக்கத்தை ஏற்படுத்தியது. இதையடுத்து, பெண்ணின் தந்தை அவரிடம் தகாத நடத்தையை வெளிப்படுத்தத் தொடங்கியதாகக் குற்றச்சாட்டுகள் எழுந்தன. இது தர்மஷீலாவை விரக்தியின் விளிம்பிற்குத் தள்ளியது.

இதனால் மனமுடைந்துபோன தர்மஷீலா, தற்கொலை செய்து கொள்வதற்ஆக ரயில்வே தண்டவாளத்தை நோக்கி நடந்துள்ளார். அப்போது, அவ்வழியாக வந்த நபர், சரியான நேரத்தில் அவரை பத்திரமாக மீட்டார். இந்தச் சந்திப்பு கங்கைக் கரையோரத்தில் உள்ள ஒரு கோவிலில் எதிர்பாராத திருமணத்திற்கு வழிவகுத்தது. இதையடுத்து, தர்மஷீலா தனது கனவில் இருந்து இறுதியாக ஒரு வழியைக் கண்டுபிடித்ததாக நம்பினார்.

இதற்கிடையில், மகள் இறந்துவிட்டதாக நம்பிய அவரது தந்தை, அவரது முதல் கணவர் தீபக் மற்றும் குடும்ப உறுப்பினர்கள் மீது புகாரளித்தார். அக்டோபர் 31, 2020ஆம் தேதி சோன் ஆற்றின் அருகே உரிமை கோரப்படாத சடலம் ஒன்றை போலீசார் கண்டுபிடித்தனர். அதை அவரது தந்தை தரம்ஷீலாவின் உடல் என அடையாளம் காட்டினார். இதையடுத்து, கொலைக் குற்றச்சாட்டில் அந்த பெண்ணின் முதல் கணவர் தீபக் கைது செய்யப்பட்டார்.

இந்த வழக்கில் தீபக்கிற்கு நீதிமன்றம் சிறை தண்டனை விதித்தது. இந்நிலையில், 4 ஆண்டுகள் கடந்துவிட்ட நிலையில், தற்போது இறந்ததாக கூறப்படும் தர்மஷீலாவை போலீசார் உயிருடன் கண்டுபிடித்துள்ளனர். இதையடுத்து, தனது தந்தை தவறான எஃப்ஐஆர் பதிவு செய்ததாகக் கூறி அதிகாரிகளிடம் வாக்குமூலம் அளித்தார். தனது தந்தை தனது முதல் கணவரிடம் (கைது செய்யப்பட்ட நபரிடம்) பொய் கூறியதாகவும், இறந்த உடலை தவறாக அடையாளம் காட்டியதாகவும் தர்மஷீலா காவல்துறையிடம் கூறினார். மேலும், நான் இப்போது அஜய் கஹரை மணந்து இரண்டு குழந்தைகள் உள்ளதாக தெரிவித்தார்.

இந்நிலையில், காவல்துறையினர் இந்த வழக்கின் சிக்கலான தன்மையை உறுதி செய்தனர். குற்றம் சாட்டப்பட்டவர்கள் சிறையில் அடைக்கப்பட்டுள்ள நிலையில், தற்போது தரம்ஷீலா தனது தந்தைக்கு எதிரான குற்றச்சாட்டுகளை ஆராய்ந்து வருவதாக காவல்துறையினர் தெரிவித்துள்ளார். இதுதொடர்பாக தற்போது அந்த பெண்ணின் தந்தையிடம் விசாரணை நடைபெற்று வருகிறது.

Read More : 40 பயணிகளுடன் சென்ற அரசுப் பேருந்தில் திடீர் தீவிபத்து..!! கொளுந்து விட்டு எரிந்ததால் கோவையில் பரபரப்பு..!!