7 மாத கர்ப்பிணி மனைவியின் வயிற்றில் ஓங்கி அடித்த கணவன்..!! வெளியே வந்து விழுந்த குழந்தை..!! கேஸ் சிலிண்டரை திறந்துவிட்டு ஓட்டம்..!!
தெலங்கானா மாநிலம் ஹைதராபாத்தில் வசித்து வருபவர் சச்சின். இவரது மனைவி சினேகா 7 மாத கர்ப்பிணியாக இருந்தார். ஆனால், மனைவியின் நடத்தையில் சந்தேகப்பட்ட சச்சின், இந்த கர்ப்பத்திற்கு யார் காரணம் என்று கேள்வி எழுப்பியுள்ளார். மனைவியை தொடர்ந்து தொல்லை செய்து வந்துள்ளார். சினேகா 7 மாதம் கர்ப்பிணியாக இருந்த நிலையில், சச்சின் அவரை வலுக்கட்டாயமாக மது குடிக்க வைத்துள்ளார்.
மேலும், மனைவியின் வயிற்றின் மீது அமர்ந்து தலையணையால் முகத்தை மூடி கொடூரமான முறையில் கொலை செய்திருக்கிறார். வயிற்றில் ஓங்கி அடித்ததில் மனைவியின் வயிற்றில் இருந்த குழந்தையும் வெளியே வந்து உயிரிழந்தது. இதையடுத்து, கொலை சம்பவத்தை மறைப்பதற்காக சமையலறையில் இருந்து கேஸ் சிலிண்டரை கசிய வைத்துள்ளார்.
பின்னர், அங்கிருந்து அவர் தப்பியோடிய நிலையில், அக்கம்பக்கத்தினருக்கு கேஸ் வாசனை வந்துள்ளது. இதனால், சந்தேகமடைந்த அவர்கள், சச்சின் வீட்டிற்கு சென்று பார்த்தபோது, மனைவி சினேகா ரத்த வெள்ளத்தில் சடலமாக கிடந்ததை கண்டு அதிர்ச்சி அடைந்தனர். இதையடுத்து, அக்கம்பக்கத்தினர் போலீசாருக்கு தகவல் தெரிவித்த நிலையில், அவர்கள் சம்பவ இடத்திற்கு விரைந்து வந்து சினேகா மற்றும் குழந்தையின் உடலை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும், இந்த சம்பவம் குறித்து வழக்குப்பதிவு செய்துள்ள போலீசார், கணவர் சச்சினை வலைவீசி தேடி வருகின்றனர்.
