கோர விபத்து!… கொளுந்துவிட்டு எரிந்த மேம்பாலம்!… சாலை தடுப்பில் மோதி கவிழ்ந்த லாரி!... பகீர் வீடியோ!

பஞ்சாப்பில், மேம்பாலம் ஒன்றின் சாலை நடுவே எரிபொருள் ஏற்றிவந்த லாரி ஒன்று விபத்துக்குள்ளாகி கவிழ்ந்து தீப்பிடித்ததில் மேம்பாலம் முழுவதும் கொளுந்துவிட்டி எரிந்த சம்பவம் அதிர்ச்சியை ஏற்படுத்தியுள்ளது.

பஞ்சாப் மாநிலம் லூதியானாவில் உள்ள கன்னா பகுதியில் எண்ணெய் டேங்கர் லாரில் சாலை தடுப்பில் மோதி கவிழ்ந்ததில் பெரும் தீ விபத்து ஏற்பட்டது. இதனால் மேம்பாலத்தில் எண்ணெய் கொட்டியதால், தீப்பிடித்து மேம்பாலம் முழுவதும் மளமளவென தீ பரவியது. இதில், தீ சாலை முழுவதும் பரவி, மேம்பாலம் முழுவதும் கொழுந்துவிட்டு எரிந்தது. இதனால் அடர்ந்த கரும்புகை சூழ்ந்தது. இந்த சம்பவத்தின் புகைப்படங்கள் மற்றும் வீடியோக்கள் சமூக வலைதளங்களில் வைரலாகி வருகிறது.

தகவலறிந்து உடனடியாக சம்பவ இடத்திற்கு விரைந்த தீயணைப்பு துறையினர், தீயை கட்டுக்குள் கொண்டுவந்தனர். மேலும், இந்த சம்பவத்தில் உயிரிழப்பு அல்லது பலத்த காயங்கள் எற்பட்டவர்களின் தகவல்கள் குறித்து எந்தவொரு தகவலும் வெளியாகவில்லை என்பது குறிப்பிடத்தக்கது.