2 பணயக்கைதிகளின் வீடியோவை வெளியிட்ட ஹமாஸ்!... போர்நிறுத்த பேச்சுவார்த்தைக்கு மத்தியில் பதற்றம்!

Hamas: எகிப்து தலைமையிலான முன்முயற்சியின் கீழ் போர்நிறுத்த பேச்சுவார்த்தைகள் நடைபெற்றுவரும் நிலையில், இரண்டு பணயக்கைதிகள் இடம்பெறும் வீடியோவை ஹமாஸ் அமைப்பு வெளியிட்டுள்ளது.

கடந்த 6 மாதங்களாக தொடர்ந்து வரும் இஸ்ரேல் - ஹமாஸ் போரில் சுமார் 1,400 பேர் பலியாகினர் மற்றும் கிட்டத்தட்ட 6,900 பேர் காயமடைந்தனர். மேலும், ஹமாஸ் மற்றும் அதனுடன் இணைந்த பயங்கரவாதக் குழுக்கள் 2023 அக்டோபர் 7 அன்று இஸ்ரேல் மீது நடத்திய தாக்குதலில் 250 க்கும் மேற்பட்டவர்களை பிணைக் கைதிகளாகப் பிடித்தனர். இதுவரை 100 க்கும் மேற்பட்டோர் விடுவிக்கப்பட்டுள்ளனர்.

இஸ்ரேலில், பணயக்கைதிகளின் குடும்பத்தினர் தொடர்ந்து போராட்டங்களை நடத்தி வரும் நிலையில், பிணைக் கைதிகளை விடுவிக்க பிரதமர் பெஞ்சமின் நெதன்யாகு மீதான அழுத்தம் அதிகரித்து வருகிறது. ஜெருசலேமில், அரசாங்கத்திற்கு எதிரான போராட்டக் குழுக்கள் பேரணியை ஏற்பாடு செய்தன. இதையடுத்து, இரண்டு இஸ்ரேலிய-அமெரிக்க குடியுரிமை பெற்ற ஹெர்ஷ் கோல்ட்பர்க்-பொலின் இடம்பெறும் வீடியோ ஒன்றை பயங்கரவாத குழு வெளியிட்டது.

அந்தவகையில், சிறைப்பிடிக்கப்பட்ட பணயக்கைதிகளை விடுவிப்பதற்காக காசா பகுதியில் போர்நிறுத்தம் செய்வதற்கான பேச்சுவார்த்தைகள் நடந்து வருகின்றன. அதாவது, எகிப்தின் கெய்ரோவில் போர்நிறுத்த பேச்சுவார்த்தைகள் நடைபெற்றுவருகிறது. இதில், 6 வாரத்துக்கான போர் நிறுத்தம், ஹமாஸ் பணயகைதிகள் 40 பேர் விடுதலை, 700 பாலஸ்தீன கைதிகள் விடுதலை என நிபந்தனைகளும் இடம்பெற்றன. மேலும், இருதரப்பிலும் அவரவர் விடுதலை செய்யவுள்ள கைதிகளின் பட்டியலை எகிப்து கேட்டுள்ளதாகவும் கூறப்படுகிறது.

இந்தநிலையில், இரண்டு பணயக்கைதிகள் இடம்பெறும் வீடியோவை ஹமாஸ் அமைப்பு வெளியிட்டுள்ளது. வீடியோவில் உள்ள இரண்டு பணயக்கைதிகள் கீத் சீகல் மற்றும் ஓம்ரி மிரான் என அடையாளம் காணப்பட்டுள்ளனர். சீகல் ஒரு அமெரிக்க குடிமகன் என்று தெரிவிக்கப்பட்டுள்ளது. அந்த வீடியோவில், அவரது கையின் ஒரு பகுதி காணவில்லை. வீடியோவில் பிணைக்கைதிகள் இஸ்ரேலை போர்நிறுத்த ஒப்பந்தத்திற்கு ஒப்புக் கொள்ளுமாறு வலியுறுத்துகின்றனர். உடன்படிக்கைக்கு உடன்படுமாறு இஸ்ரேலை வலியுறுத்தினர்.

47 வயதான மீரான், நிலைமை "விரும்பத்தகாதது" என்று வீடியோவில் கூறினார் . 64 வயதான சீகல் பேசியதாவது, நாங்கள் இங்கே ஆபத்தில் இருக்கிறோம். வெடிகுண்டுகள் உள்ளன. அது மன அழுத்தமாகவும் பயமாகவும் இருக்கிறது. நான் உன்னை மிகவும் நேசிக்கிறேன் என்று என் குடும்பத்தாரிடம் சொல்ல விரும்புகிறேன். நான் நன்றாக இருக்கிறேன் என்பதை நீங்கள் அறிவது எனக்கு முக்கியம். எனக்கு மிக மிக அழகான நினைவுகள் உள்ளன. கடந்த ஆண்டு பாஸ்காவை நாங்கள் அனைவரும் ஒன்றாகக் கொண்டாடினோம் என்று வேதனையுடன் பேசியுள்ளார்.

Readmore: புதிய உச்சம்…! தமிழகத்தின் மின் தேவை 20,583 மெகாவாட் என்ற அளவில் உயர்வு…!