குரூப் 4 தேர்வு சான்றிதழ் சரிபார்ப்பு..!! தேர்வானவர்களின் பட்டியலை வெளியிட்டது டிஎன்பிஎஸ்சி..!!
குரூப் 4 தேர்வு முடிவுகள் கடந்த வாரம் வெளியானது. இந்நிலையில், சான்றிதழ் சரிபார்ப்புக்கு தற்காலிகமாக தேர்வானவர்களின் பட்டியல் வெளியிடப்பட்டுள்ளது. இந்த பட்டியலை தமிழ்நாடு அரசுப் பணியாளர் தேர்வாணையம்
டிஎன்பிஎஸ்சி குரூப் 4 தேர்வுக்கான அறிவிப்பு கடந்த ஜனவரி 30ஆம் தேதி வெளியானது. இதில் 6,244 காலிப்பணியிடங்களை நிரப்புவதற்கான தேர்வு நடைபெற்றது. அதாவது கிராம நிர்வாக அலுவலர், தட்டச்சர், சுருக்கெழுத்து தட்டச்சர், இளநிலை உதவியாளர் உள்ளிட்ட பணிகளுக்கான குரூப் 4 தேர்வு தமிழ்நாடு முழுவதும் ஜூன் 9ஆம் தேதி நடைபெற்றது.
இந்த தேர்வுக்கு சுமார் 20 லட்சம் பேர் விண்ணப்பித்திருந்த நிலையில், 15.8 லட்சம் பேர் தேர்வெழுதினர். இதற்கிடையே, குரூப் 4 பணியிடங்களுக்கான எண்ணிக்கையை அதிகரிப்பதாக டிஎன்பிஎஸ்சி அறிவித்தது. அதன்படி, 480 இடங்கள் கூடுதல் காலிப்பணியிடங்களாக சேர்க்கப்பட்டு, மொத்த காலியிடங்களின் எண்ணிக்கை 6,724 ஆக உயர்ந்தது. அதனைத் தொடர்ந்து, கூடுதல் இடங்கள் சேர்க்கப்பட்டு மொத்தம் 9,491 பணியிடங்கள் காலியாக இருப்பதாக அறிவிக்கப்பட்டது.
இதனைத் தொடர்ந்து, குரூப் 4 தேர்வு முடிவுகள் கடந்த அக்டோபர் 28ஆம் தேதி வெளியானது. இந்நிலையில் தான், சான்றிதழ் சரிபார்ப்பிற்காக தற்காலிகமாக தேர்வானவர்களின் பட்டியலை தமிழ்நாடு அரசுப் பணியாளர் தேர்வாணையம் வெளியிட்டுள்ளது. இதனை, https://www.tnpsc.gov.in/ என்ற அதிகாரப்பூர்வ தளத்திற்கு சென்று தெரிந்து கொள்ளலாம் என தெரிவிக்கப்பட்டுள்ளது.