குட்நியூஸ்!… அதிரடியாக குறைந்தது சிலிண்டர் விலை!… வாடிக்கையாளர்கள் மகிழ்ச்சி!

19 கிலோ எடை கொண்ட வணிக பயன்பாட்டுக்கான கேஸ் சிலிண்டர் விலை 20 நாட்களுக்கு பிறகு இன்று ரூ.39.50 குறைந்துள்ளது.

சர்வதேச சந்தையில் நிலவும் கச்சா எண்ணெய் விலை மற்றும் டாலருக்கு எதிரான இந்திய ரூபாயின் மதிப்பு ஆகியவற்றின் அடிப்படையில் பெட்ரோல், டீசல், சமையல் எரிவாயு சிலிண்டர் விலை நிர்ணயம் செய்யப்பட்டு வருகின்றன. அதன்படி வீட்டு உபயோக மற்றும் வணிக பயன்பாடு சிலிண்டர் விலை ஏற்ற இறக்கமாக இருந்து வருகிறது. மாதந்தோறும் 1ஆம் தேதி விலை மாற்றியமைக்கப்படும். அந்த வகையில் ரூ.1,968.50க்கு விற்பனை செய்யப்பட்டு வந்த சிலிண்டர் விலையில் இன்று மாற்றம் ஏற்பட்டுள்ளது.

இந்த நிலையில் டிசம்பர் 22ஆம் தேதியான இன்று சிலிண்டருக்கு ரூ.39.50 குறைந்து ரூ.1,929க்கு விற்பனை செய்யப்படுகிறது. வீட்டு உபயோக கேஸ் சிலிண்டர் விலை எந்த மாற்றமுமின்றி 918.50 ரூபாய்க்கு விற்பனை செய்யப்பட்டு வருகிறது.