கல்லூரி விளையாட்டுப் போட்டிக்கு சென்ற மாணவி…! பரபரப்பு புகார்… தீவிர தேடுதல் வேட்டை.!

விளையாட்டுப் போட்டிக்கு செல்வதாக கூறிச் சென்ற மாணவி வீடு திரும்பாததால் அதிர்ச்சி அடைந்த பெற்றோர் இது தொடர்பாக காவல்துறையிடம் புகார் தெரிவித்திருக்கும் சம்பவம் திருநெல்வேலி மாவட்டத்தில் பரபரப்பையும் அச்சத்தையும் ஏற்படுத்தி இருக்கிறது.

திருநெல்வேலி மாவட்டத்தில் உள்ள முதலைக்குளம் பகுதியைச் சேர்ந்தவர் ராஜகோபால். இவரது மகள் வள்ளியூர் அருகே உள்ள கல்லூரியில் பிஎஸ்சி முதலாம் ஆண்டு படித்து வருகிறார். இந்நிலையில் கடந்த 18 ஆம் தேதி கல்லூரியில் விளையாட்டுப் போட்டிகள் இருப்பதாக தனது தந்தையிடம் கூறியிருக்கிறார். இதனால் அவரது தந்தை 18 ஆம் தேதி அதிகாலை தனது ஊர் அருகில் உள்ள பாணாங்குளத்திலிருந்து மகளை வள்ளியூருக்கு பஸ் ஏற்றி விட்டிருக்கிறார்.

இந்நிலையில் இரவு வெகு நேரமாகியும் மகள் திரும்பாததால் பல இடங்களில் உறவினர்களுடன் சேர்ந்து மகளை தேடி இருக்கிறார் எனினும் அவரை கண்டுபிடிக்க முடியவில்லை. இதனைத் தொடர்ந்து அவரது உறவினர்களுடன் சென்று காவல் நிலையத்தில் புகார் அளித்துள்ளார். இந்த புகாரை பெற்றுக் கொண்ட காவல் துறையினர் இது தொடர்பாக உனக்கு பதிவு செய்துள்ளனர் .

மேலும் காணாமல் போன அவரது மகளையும் தீவிரமாக தேடி வருகின்றனர். விளையாட்டுப் போட்டிகளுக்கு செல்வதாக கூறி கல்லூரிக்குச் சென்ற பெண் காணாமல் போன சம்பவம் அப்பகுதியில் அதிர்ச்சியையும் பதற்றத்தையும் ஏற்படுத்தி இருக்கிறது. இந்த சம்பவம் தொடர்பாக காவல்துறையினரும் தீவிரமான தேடுதல் வேட்டையில் ஈடுபட்டுள்ளனர்.