மத்திய அரசு நிறுவனத்தில் வேலை.. நல்ல சம்பளம் - 1NewsNation - Tamil News Online | Latest News in Tamil | Breaking News Tamil | Tamil News Live | தமிழ் நியூஸ்

மத்திய அரசின் இன்சூரன்ஸ் நிறுவனமான ஜெனரல் இன்சூரன்ஸ் கார்ப்பரேஷன் ஆஃப் இந்தியா நிறுவனத்தில் உதவி மேலாளர் பதவிக்கான அறிவிப்பு வெளியாகியுள்ளது. மொத்தம் 110 காலிப்பணியிடங்கள் நிரப்பப்படவுள்ளன. அதற்கான தகுதிகள் குறித்து விரிவாக தெரிந்துகொள்ளலாம்.

காலியிடங்களின் எண்ணிக்கை : பொதுப் பிரிவில் 43 இடங்களும், எஸ்சி பிரிவில் 15 இடங்களும் எஸ்டி பிரிவில் 10 இடங்களும், ஒபிசி பிரிவில் 34 இடங்கள், பொருளாதாரத்தில் பின்தங்கியவர்களுக்கு 6 இடங்களும் ஒதுக்கீடு செய்யப்பட்டுள்ளன. மாற்றுத்திறனாளிகளுக்கு 5 இடங்களும் மருத்துவ பிரிவில் எஸ்சிக்கு ஒன்று, பொருளாதாரத்தில் பின்தங்கியவர்களுக்கு 2 இடங்களும் ஒதுக்கப்பட்டுள்ளன

வயது தகுதி : உதவி மேலாளர் பதவிக்கு விண்ணப்பிக்க, 01.11.2024 தேதியின்படி, குறைந்தபட்சம் 21 வயதும் அதிகபடியாக 30 வயதும் இருக்கலாம்.

கல்வித்தகுதி : விண்ணப்பத்தாரர்கள் சம்மந்தப்பட்ட துறைகளில் இளங்கலை பட்டம் பெற்றிருக்க வேண்டும். பொது பிரிவு, மனித வளம், சட்டம், தகவல் தொழில்நுட்பம், பொறியியல் ஆகிய பிரிவுகளில் விண்ணப்பம் செய்பவர்கள் முதுகலை பட்டம் முடித்திருக்க வேண்டும். நிதி பிரிவிற்கு விண்ணப்பம் செய்பவர்கள் முதுகலை, MBA/CFA / CA / CMA ஆகியற்றில் தேர்ச்சி பெற்றிருக்க வேண்டும்.

ஊதியம் : உதவி மேலாளர் பதவிக்கு அடிப்படை சம்பளமாக ரூ.50,925 நிர்ணயம் செய்யப்பட்டுள்ளது. உதவி மேலாளராக தேர்வு செய்யப்படுபவர்களுக்கு ரூ.50,925 முதல் ரூ.96,765 வரை சம்பளம் வழங்கப்படும். இவற்றுடன் DA, HRA, CCA ஆகியவை கூடுதலாக வழங்கப்படும்.

தேர்வு செய்யப்படும் முறை : மருத்துவம் தவிர இதர பிரிவுகளுக்கு ஆன்லைன் தேர்வு, குழு கலந்துரையாடல், நேர்காணல் நடைபெறும். இவற்றில் தேர்ச்சி பெறுபவர்களுக்கு மருத்துவ பரிசோதனை செய்யப்பட்ட பின்னர் உதவி மேலாளராக தேர்வு செய்யப்படுவார்கள். மருத்துவ பிரிவிற்கான பணியிடங்களுக்கு 2 கட்ட நேர்காணல் நடத்தப்பட்டு தேர்வு செய்யப்படுவார்கள்.

விண்ணப்பிக்கும் முறை : விண்ணப்பிக்க விரும்புகிறவர்கள் https://ibpsonline.ibps.in/gicionov24/ என்ற இணையதளத்தின் மூலம் ஆன்லைன் வழியாக விண்ணப்பிக்க வேண்டும். இதற்கான முழு விவரங்களை https://www.gicre.in/ என்ற இணையதளத்தில் அறிந்துகொள்ளலாம்.