தமிழக முன்னாள் அமைச்சர் இந்திரகுமாரி காலமானார்…!

முன்னாள் அமைச்சரும் திமுக இலக்கிய அணியின் தலைவருமான இந்திரகுமாரி, உடல்நிலை பாதிப்பு காரணமாக சென்னையில் உள்ள அப்பல்லோ மருத்துவமனையில் அனுமதிக்கப்பட்டிருந்தார். இந்நிலையில் இன்று சிகிச்சை பலனின்றி உயிரிழந்தார்.

வேலூர் மாவட்டத்தை பூர்விகமாக கொண்டிருந்த இந்திரகுமாரி, அதிமுக சார்பில் நாட்ராம்பள்ளி தொகுதியில் இருந்து 1991 ஆண்டு தமிழக சட்டமன்றத்துக்கு தேர்ந்தெடுக்கப்பட்டார். மேலும் 1991-96 வரை ஜெயலலிதா தலைமையிலான அமைச்சரவையில் சமூக நலத்துறை அமைச்சராக பொறுப்பு வகித்தவர். பின்னர் 2006ஆம் ஆண்டு திமுகவில் இணைந்தார். இவரின் மறைவுக்கு அரசியல் தலைவர்கள் பலர் இரங்கல் தெரிவித்து வருகின்றனர்.