6 - 9ஆம் வகுப்பு வரையிலான மாணவர்களுக்கு..!! நவ.28ஆம் தேதி முதல் ஆரம்பம்..!! வெளியான முக்கிய அறிவிப்பு..!!

தமிழ்நாட்டில் அரசுப் பள்ளி மாணவர்களின் கற்றல் திறனை மேம்படுத்துவதற்காக மாநில மதிப்பீட்டு புலம் பெயரில் திறனாய்வு தேர்வுகள் நடத்தப்பட்டு வருகிறது. அனைத்து அரசுப் பள்ளிகளிலும் 6ஆம் வகுப்பு முதல் 9ஆம் வகுப்பு வரை படிக்கும் மாணவர்களுக்கு கடந்த ஆகஸ்ட் மற்றும் அக்டோபர் மாதங்களில் திறன்வழி தேர்வுகள் நடத்தப்பட்டது.

இந்நிலையில், தற்போது மதிப்பீட்டு தேர்வுகள் நவம்பர் 28ஆம் தேதி முதல் டிசம்பர் 1ஆம் தேதி வரை நடைபெறவுள்ளதாக தெரிவிக்கப்பட்டுள்ளது. இந்த தேர்வுக்கான வினாத்தாள்கள் இணையதளத்தில் முன்கூட்டியே பதிவேற்றம் செய்யப்படும். தேர்வு நடைபெறும் நாளுக்கு ஒரு நாள் முன்பு மதியம் 2 மணி முதல் அடுத்த 23 மணி நேரத்திற்குள் அந்த வினாத்தாள்களை பதிவிறக்கம் செய்யலாம்.

வினாத்தாள் பதிவிறக்கம் செய்வதில் சிக்கல் ஏற்பட்டால், 14417 என்ற உதவி எண்ணை தொடர்பு கொண்டு விவரங்களை பெறலாம் என தெரிவிக்கப்பட்டுள்ளது.