பிரபல நடிகர் டெல்லி கணேஷ் உயிரிழப்பு...! சோகத்தில் மூழ்கிய தமிழ் திரையுலகம்...!

தமிழ் சினிமாவின் பிரபல நடிகர் டெல்லி கணேஷ் வயது மூப்பு காரணமாக உயிரிழந்தார்.

தமிழ் சினிமாவில் காமெடியன், வில்லன், குணச்சித்திர நடிகனாக 400க்கும் மேற்பட்ட படங்களில் நடித்துள்ள டெல்லி கணேஷ் வயது மூப்பு காரணமாக உயிரிழந்தார். 80 வயதாகும் அவர், நேற்று இரவு 1 மணிக்கு உயிரிழந்தார். அவரது உடல் மக்கள் அஞ்சலிக்காக சென்னை ராமாபுரத்தில் உள்ள அவரது வீட்டில் வைக்கப்பட்டுள்ளது. 50 ஆண்டுகளுக்கும் மேல் கலை அனுபவம் கொண்ட இவர் வெள்ளித்திரையிலும், சின்னத்திரையிலும் நடித்து அனைவராலும் அறியப்பட்டவர்.

இயக்குனர் பாலச்சந்தர் இயக்கத்தில் 1976 ஆம் ஆண்டு வெளியான 'பட்டினப்பிரவேசம்' என்ற படத்தின் மூலம் நடிகராக அறிமுகமானார். 1980-களில் தொடர்ந்து பல திரைப்படங்களில் நடித்த டெல்லி கணேஷ் தமிழ் சினிமாவின் முக்கிய நடிகராக வலம் வந்தார். வில்லன், குணச்சித்திர கதாப்பாத்திரங்கள் மட்டுமல்லாது டெல்லி கணேஷ் காமெடியிலும் கலக்க கூடியவர். 'மிடில் கிளாஸ் மாதவன்', 'அவ்வை சண்முகி' ஆகிய திரைப்படங்களை அவரது காமெடி நடிப்பிற்கு பெயர் பெற்றவர்.