பேஸ்புக் பயனர்களே எச்சரிக்கை!… விளம்பரங்கள் வரும்போது இதை மட்டும் செஞ்சிடாதீங்க!

போதிய விழிப்புணர்வு இல்லாத நபர்களை குறிவைத்து சைபர் கிரைம் குற்றங்கள் அதிகரித்து வருவதால் பேஸ்புக் பயனர்களுக்கு தேசிய சைபர் கிரைம் தடுப்புப் பிரிவு ஒரு முக்கியமான எச்சரிக்கையை விடுத்துள்ளது. அதாவது, போலியான பேஸ்புக் கணக்குகள் மூலம் நடத்தப்படும் மோசடிகள், கவர்ந்திழுக்கும் விளம்பரங்கள் மூலம் உடனடி ஆன்லைன் கடன்களை வழங்குவதாக உறுதியளித்து பாதிக்கப்பட்டவர்களை கவர்ந்திழுப்பதன் மூலம் ஆதார் மற்றும் பான் கார்டு விவரங்கள் போன்ற தனிப்பட்ட தகவல்களை சேகரிக்கின்றனர்.

பின்னர், அதன் மூலம் பாதிக்கப்பட்டவர்களின் வங்கிக் கணக்குகளில் இருந்து நிதியை சுலபமாக திருடி விட முடியும். அதிகரித்து வரும் இந்த அச்சுறுத்தலுக்கு தீர்வாக, அதிகாரிகள் பல நடவடிக்கைகள் மேற்கொண்டு வரும் போதிலும், அதிக எச்சரிக்கையுடன் இருக்கவும், விழிப்புடன் இருக்கவும், ஆன்லைனில் தெரியாத நிறுவனங்களுடன் முக்கியமான தனிப்பட்ட தரவைப் பகிர்வதைத் தவிர்க்கவும் அதிகாரிகள் கடுமையாக அறிவுறுத்தியுள்ளனர்.