அரசு ஓட்டுநர், நடத்துனர் பணிக்கான தேர்வு..!! வெளியானது ஹால் டிக்கெட்..!! எப்படி பதிவிறக்கம் செய்வது..?

விரைவு போக்குவரத்துக் கழகத்தில் ஓட்டுநர், நடத்துநர் பணிக்கு விண்ணப்பித்த தேர்வர்கள், இணையவழியில் நுழைவு அனுமதிச்சீட்டை (ஹால்டிக்கெட்) பதிவிறக்கம் செய்து கொள்ளலாம் என அறிவிக்கப்பட்டுள்ளது.

இது தொடர்பாக விரைவு போக்குவரத்துக் கழக நிர்வாக மேலாண் இயக்குநர் கே.இளங்கோவன் வெளியிட்டுள்ள செய்திக்குறிப்பில், “அரசு விரைவு போக்குவரத்துக் கழகத்தில் நேரடி நியமனம் மூலமாக தேர்ந்தெடுக்கப்பட இருக்கும் ஓட்டுநர், நடத்துநர் பதவிக்கு இணையவழியில் விண்ணப்பித்தவர்களுக்கும், வேலைவாய்ப்பு அலுவலகம் மூலமாக பரிந்துரைக்கப்பட்டு விண்ணப்பம் சமர்ப்பித்தவர்களுக்கும் நவ.19ஆம் தேதி எழுத்துத் தேர்வு நடைபெறவுள்ளது.

இணையவழியில் விண்ணப்பித்தவர்கள் www.arasubus.tn.gov.in என்ற இணையதளம் மூலம் தேர்வுக்கான நுழைவு அனுமதிச்சீட்டை (ஹால்டிக்கெட்) பதிவிறக்கம் செய்து கொள்ளலாம். அவ்வாறு பதிவிறக்கம் செய்ய முடியாதவர்கள் 04447749002 என்ற தொழில்நுட்ப உதவி மைய எண்ணை தொடர்புகொண்டு விவரங்களைத் தெரிவிக்கலாம். வேலைவாய்ப்பு அலுவலகம் மூலம் பரிந்துரைக்கப்பட்டு விண்ணப்பித்தவர்களில் தகுதியுள்ளவர்களுக்கு பதிவுத் தபால் மூலமாக தேர்வுக்கான நுழைவு அனுமதி சீட்டு அனுப்பி வைக்கப்பட்டுள்ளது” என்று தெரிவித்துள்ளார்.