"வழக்கறிஞர் முதல் பிரிட்டன் பிரதமர் வரை..!!" யார் இந்த கீர் ஸ்டார்மர்? பின்னணி என்ன?
பிரிட்டனில் 14 ஆண்டுகளுக்குப் பிறகு தொழிலாளர் கட்சி ஆட்சியைப் பிடித்திருக்கிறது. பிரிட்டன் தேர்தல் வரலாற்றில் மோசமான ஒரு தோல்வியை கன்சர்வேடிவ் கட்சி சந்தித்திருக்கிறது. இதன் மூலம் புதிய பிரதமராக கீர் ஸ்டார்மர் பதவியேற்க உள்ளார். 2020-இல் தொழிலாளர் கட்சியின் தலைவராக தேர்ந்தெடுக்கப்பட்ட ஸ்டார்மர் 2024 ஆம் ஆண்டு நாடாளுமன்ற தேர்தலில் பிரதமராக வெற்றி பெற்றுள்ளார். யார் இந்த கீர் ஸ்டார்மர்? அவரின் பின்னணி என்ன என்பது குறித்து இந்த பதிவில் பார்க்கலாம்..
இளமை பருவம்
கெய்ர் ஸ்டார்மர் செப்டம்பர் 2, 1962 அன்று சர்ரேயில் உள்ள ஆக்ஸ்டெட்டில் ஒரு தொழிலாளர் குடும்பத்தில் பிறந்தார். அவரது தாயார், அர்ப்பணிப்புள்ள NHS செவிலியர். அவரின் தாய் கடுமையான முடக்குவாத நோயால் பாதிக்கப்பட்டிருந்தார். அவரது தந்தை ஒரு கருவி தயாரிப்பாளராக பணியாற்றினார். ரீகேட் இலக்கணப் பள்ளியில் பயின்றார். லீட்ஸ் பல்கலைக்கழகத்தில் சட்டம் பயின்றார். அவரின் குடும்பத்தில் முதலில் பட்டம் படித்தவர் இவர் தான்.
இடதுசாரி வழக்கறிஞர்
அரசியலுக்கு வருவதற்கு முன்பு, ஸ்டார்மர் ஒரு சிறந்த மனித உரிமை வழக்கறிஞராக இருந்தார். சமூக நீதிக்கான அவரது அர்ப்பணிப்பிற்காக "இடதுசாரி வழக்கறிஞர்" என்று அழைக்கப்பட்ட அவர், 1987 இல் ஒரு வழக்கறிஞராக தனது வாழ்க்கையைத் தொடங்கினார். அவர் மனித உரிமைகள் வழக்குகளில் சிறந்து விழங்கினார். சட்ட
2002 இல் குயின்ஸ் ஆலோசகராக (QC) நியமனம் மற்றும் ஆண்டின் QC என்ற அங்கீகாரம் கிடைத்தது. ஸ்டார்மர் மெக்டொனால்டுக்கு எதிரான அவதூறு வழக்கில் "மெக்லிபல் டூ" வை பிரதிநிதித்துவப்படுத்தினார். மரண தண்டனையை எதிர்நோக்கும் பிரதிவாதிகளை பிரதிநிதித்துவப்படுத்த அவர் கரீபியன் மற்றும் ஆப்பிரிக்காவிற்கும் சென்றார். அவர் டோனி பிளேயர் அரசாங்கத்தின் ஈராக் படையெடுப்பை சவால் செய்தார், போருக்கு எதிரான சட்ட வாதங்களை உருவாக்கினார்.
குடும்ப வாழ்க்கை ;
ஸ்டார்மர் 2003 முதல் 2008 வரை ஐந்து ஆண்டுகள் வடக்கு அயர்லாந்து காவல் வாரியத்தின் சட்ட ஆலோசகராக இருந்தார். 1998 ஆம் ஆண்டு புனித வெள்ளி ஒப்பந்தத்தைத் தொடர்ந்து இது பிராந்திய வரலாற்றில் ஒரு முக்கியமான காலகட்டமாகும், இது பல தசாப்தங்களுக்குப் பிறகு அமைதிக்கான குறிப்பிடத்தக்க படியாகும் மோதல். இந்த நேரத்தில், அவர் தேசிய சுகாதார சேவையில் (NHS) பணிபுரியும் அவரது மனைவி விக்டோரியாவை சந்தித்தார். 2007ல் திருமணம் செய்து கொண்ட தம்பதிக்கு இரண்டு குழந்தைகள் உள்ளனர்.
அங்கீகாரம்
2008ஆம் ஆண்டில், ஸ்டார்மர் அரசு தரப்பு வழக்கறிஞராக நியமிக்கப்பட்டார்.. இந்த சமயத்தில் தான் அவர் பல முக்கிய கேஸ்களில் ஆஜரானார். இந்த காலகட்டத்தில் தான் அவரது புகழ் நாடு முழுக்க பரவியது. மனித உரிமைகளுக்காகத் தொடர்ந்து குரல் கொடுத்து வரும் இவரது சேவையைப் பாராட்டும் வகையில் கடந்த 2014இல் மறைந்த ராணி எலிசபெத் இவருக்கு நைட்ஹுட் பட்டம் வழங்கினார்.
அரசியல் :
இந்த பட்டம் பெற்ற மறு ஆண்டே, அதாவது 2015இல் இவர் தேர்தல் அரசியலுக்குள் நுழைந்தார். ஹோல்போர்ன் மற்றும் செயின்ட் பான்க்ராஸ் தொகுதியில் போட்டியிட்ட இவர் எம்பியாக தேர்வானார். உடனடியாக தொழிலாளர் கட்சியில் முக்கிய பதவிகள் கிடைத்தன. கடந்த 2019இல் ஜெர்மி கோர்பின் ராஜினாமா செய்ததைத் தொடர்ந்து, ஸ்டார்மர் 2020இல் தொழிலாளர் கட்சித் தலைவராகத் தேர்ந்தெடுக்கப்பட்டார். கட்சியை விட நாடு பெரியது என்பதே அவரது கொள்கை என முன்வைத்தார்.
ஐரோப்பிய ஒன்றியம்:
ஐரோப்பிய ஒன்றியத்தில் இருந்து வெளியேறும் பிரிட்டன் வெளியேறுவது தொடர்பாக முந்தைய கன்சர்வேடிவ் கட்சி எடுத்த முடிவை அவர் மிகக் கடுமையாக எதிர்த்தார். அதேநேரம் தொழிலாளர் கட்சி ஆட்சிக்கு வரும் போது மீண்டும் ஐரோப்பிய ஒன்றியத்தில் சேராது என்பதைத் தெளிவுபடுத்தினார். பிரிட்டன் பொருளாதார திண்டாட்டம் தொடங்கிப் பல பிரச்சினைகளை எதிர்கொள்ளும் நிலையில், ஸ்டார்மர் ஸ்திரத்தன்மையையும் மாற்றத்தையும் கொண்டுவருவதாக உறுதியளிக்கிறார்.
6,500 புதிய ஆசிரியர்களை பணியமர்த்துதல், குழந்தைப் பராமரிப்பை விரிவுபடுத்துதல் மற்றும் ஆரம்பப் பள்ளிகளில் இலவச காலை உணவு வழங்குவது முக்கிய வாக்குறுதிகள் ஆகும். மேலும் அதிக வேலை வாய்ப்புகளை உருவாக்குவது, பள்ளி மாணவர்களின் மனநலனை மேம்படுத்துவது, மாற்றுத்திறனாளிகள் மற்றும் LGBT சமூகத்திற்கான சிகிச்சை ஆகியவையும் முக்கிய வாக்குறுதிகள் ஆகும். இந்த வாக்குறுதிகளே தொழிலாளர் கட்சி 14 ஆண்டுகளுக்குப் பிறகு ஆட்சியை அமைக்க உதவி இருக்கிறது.
Read more | பயனர்களே..!! இனி வாட்ஸ் அப்பில் இது கட்டாயம்..!! மெட்டா நிறுவனம் அதிரடி..!! செம அப்டேட்..!!