எழும்பூர்-நாகர்கோவில்!. மதுரை-பெங்களூரு!. புதிய வந்தே பாரத் ரயில்களை பிரதமர் மோடி இன்று தொடங்கி வைக்கிறார்!

PM Modi: தென்னக ரயில்வே மண்டலத்தில் இரண்டு புதிய வந்தே பாரத் எக்ஸ்பிரஸ் ரயில்களை பிரதமர் நரேந்திர மோடி இன்று தொடங்கி வைக்கிறார் .

உத்தரபிரதேசத்தில் மீரட் மற்றும் லக்னோ, மதுரை மற்றும் பெங்களூரு கண்டோன்மென்ட் இடையேயும், தமிழகத்தில் சென்னை எழும்பூர் மற்றும் நாகர்கோவில் இடையேயும் புதிய ரயில்கள் இயக்கப்படும். தெற்கு ரயில்வே மண்டலத்தில், மதுரை சந்திப்பு மற்றும் டாக்டர் எம்ஜிஆர் சென்னை சென்ட்ரல் ரயில் நிலையம் ஆகிய இடங்களில் விழா நிகழ்வுகள் நடைபெறும். செப்டம்பர் 2 முதல், இரண்டு புதிய சேவைகளும் செயல்படும் என்று எதிர்பார்க்கப்படுகிறது.

புதன்கிழமை தவிர, சென்னை எழும்பூர்-நாகர்கோவில் வந்தே பாரத் எக்ஸ்பிரஸ் (20627/20628) ரயில் வாரத்தில் ஆறு நாட்களும் இயக்கப்படும். சென்னை எழும்பூர், தாம்பரம், விழுப்புரம், திருச்சிராப்பள்ளி, திண்டுக்கல், மதுரை, கோவில்பட்டி, திருநெல்வேலி, நாகர்கோவில் சந்திப்பு ஆகிய இடங்களில் ரயில் நின்று செல்லும். சென்னை எழும்பூரில் இருந்து காலை 5 மணிக்கு புறப்பட்டு மதியம் 1.50 மணிக்கு ரயில் நாகர்கோவில் வந்தடையும். இது நாகர்கோவிலில் இருந்து மதியம் 2:20 மணிக்கு புறப்பட்டு இரவு 11 மணிக்கு சென்னை எழும்பூரை சென்றடையும்.

செவ்வாய்க் கிழமைகளைத் தவிர, மதுரை-பெங்களூரு கண்டோன்மென்ட் வந்தே பாரத் எக்ஸ்பிரஸ் (20671/20672) ரயில் சேவை வாரத்தில் ஆறு நாட்கள் இயக்கப்படும். திண்டுக்கல், திருச்சிராப்பள்ளி, கரூர், நாமக்கல், சேலம், கிருஷ்ணராஜபுரம் ஆகிய இடங்களில் நிற்கிறது. தெற்கு ரயில்வே அட்டவணைப்படி, இந்த ரயில் மதுரை சந்திப்பில் இருந்து அதிகாலை 5.15 மணிக்கு புறப்பட்டு பெங்களூரு கண்டோன்மென்ட் மதியம் 1 மணிக்கு சென்றடையும். வந்தே பாரத் விரைவு ரயில் பெங்களூரு கன்டோன்மென்ட்டில் மதியம் 1:30 மணிக்கு புறப்பட்டு, திரும்பும் வழியில் இரவு 9:45 மணிக்கு மதுரை சென்றடையும். இந்தியாவில் உள்ள அனைத்து ரயில்வே மண்டலங்களிலும், தென்னக ரயில்வேயில் தான் அதிக வந்தே பாரத் எக்ஸ்பிரஸ் ரயில்கள் இயக்கப்படுகின்றன என்பது குறிப்பிடத்தக்கது.

Readmore: கருப்புநிற பிரா அணிவது புற்றுநோய் அபாயத்தை அதிகரிக்கிறதா?. அறிவியல் உண்மை என்ன?