47 வது அதிபராக பதவி ஏற்கும் டொனால்ட் டிரம்ப்.. வாயை பிளக்க வைக்கும் சொத்து மதிப்பு..!! எவ்வளவு தெரியுமா..?

அமெரிக்காவின் 47வது அதிபராக டொனால்ட் ட்ரம்ப் பதவியேற்கும் விழா வாஷிங்டன் டிசியில் உள்ள கேபிடல் கட்டிடத்தில் இன்று நடைபெறும், இந்த நிகழ்வில் உலகத் தலைவர்கள் முதல் தொழில்நுட்ப ஜாம்பவான்கள் முதல் வணிக அதிபர்கள் வரை உலகெங்கிலும் உள்ளவர்கள் பலர் பங்கேற்கிறார்கள்.

டொனால்ட் டிரம்ப் இரண்டாவது முறையாக அமெரிக்க அதிபர் ஆகியுள்ள நிலையில் அவரது சொத்து மதிப்பு குறித்த தகவல்கள் பெரும் பேசு பொருளாகியுள்ளது. 78 வயதான டொனால்ட் டிரம்பின் சொத்து, ரியல் எஸ்டேட் மற்றும் ஊடகத்துறையுடன் பின்னி பிணைக்கப்பட்டுள்ளது. டொனால்ட் டிரம்ப் வெள்ளை மாளிகைக்குள் சென்ற பணக்கார நபர்களில் ஒருவாக உள்ளார்.

டொனால்ட் டிரம்பின் சொத்து எவ்வளவு? டொனால்ட் டிரம்ப் முதன்முறையாக 2016 ஆம் ஆண்டு தன்னை ஜனாதிபதி வேட்பாளராக அறிவித்தார். அப்போது டிரம்பின் சொத்து மதிப்பு 4.5 பில்லியன் டாலர்கள். ஆனால், அதிபராக பதவியேற்ற பிறகு டிரம்பின் சொத்து மதிப்பு குறைந்தது. இது 2020ல் $4.5 பில்லியனில் இருந்து $2.1 பில்லியனாக குறைந்துள்ளது. எனினும், அதிபர் பதவிக்காலம் முடிவடைந்ததையடுத்து, டிரம்பின் சொத்து மதிப்பு மீண்டும் அதிகரித்தது.

டிரம்பின் நிகர மதிப்பு 2022ல் 3 பில்லியன் டாலராகவும், நவம்பர் 2024க்குள் 7 பில்லியன் டாலராகவும் இருக்கும் என எதிர்பார்க்கப்படுகிறது. ப்ளூம்பெர்க் பில்லியனர்கள் குறியீட்டின்படி, நவம்பர் 2024 இல் டிரம்பின் நிகர மதிப்பு $7.7 பில்லியன் ஆகும். அதாவது தோராயமாக ரூ.64,855 கோடி.

டொனால்ட் டிரம்பின் நிகர மதிப்பில் டிரம்ப் மீடியா மற்றும் டெக்னாலஜி குழுமம் மிகப்பெரிய பங்கைக் கொண்டுள்ளது. ரம்ப் ரியல் எஸ்டேட் தொழிலை மரபுரிமையாகக் கொண்டவர். அவரது தந்தை ஃப்ரெட் டிரம்ப் நியூயார்க்கின் மிகவும் வெற்றிகரமான ரியல் எஸ்டேட் தொழிலதிபர்களில் ஒருவராக கருதப்பட்டார்.டொனால்ட் டிரம்ப் 1971 இல் தனது தந்தையின் வணிகத்தை எடுத்துக் கொண்டு அதை வேகமாக விரிவுபடுத்தினார். பல ஆடம்பர கட்டிடங்களை கட்டினார். டிரம்ப் பேலஸ், டிரம்ப் வேர்ல்ட் டவர், டிரம்ப் இன்டர்நேஷனல் ஹோட்டல் மற்றும் ரிசார்ட் ஆகியவை இதில் அடங்கும்.

அரண்மனை போன்ற ஒரு மாளிகை : டொனால்ட் டிரம்ப் 10 மில்லியன் டாலர்கள் மதிப்புள்ள அழகான மாளிகையின் உரிமையாளர். வெள்ளை மாளிகையை விட்டு வெளியேறிய பிறகு, அவர் இந்த மாளிகையில் வசிக்கிறார். இந்த மாளிகை 1927 இல் கட்டப்பட்டது. டிரம்ப் 1985 இல் இந்த மாளிகையை வாங்கினார். இந்த மாளிகை 20 ஏக்கர் பரப்பளவில் அமைந்துள்ளது. இது 58 படுக்கையறைகள், 33 குளியலறைகள், 12 நெருப்பிடம், ஒரு ஸ்பா, நீச்சல் குளம், டென்னிஸ் மைதானங்கள் மற்றும் கோல்ஃப் மைதானம் ஆகியவற்றைக் கொண்டுள்ளது. ட்ரம்ப்புக்கு நியூயார்க் மற்றும் மன்ஹாட்டன் மற்றும் வர்ஜீனியாவின் செயின்ட் மார்ட்டினிலும் ஆடம்பர வீடுகள் உள்ளன.

19 கோல்ஃப் மைதானங்களின் உரிமையாளரான டொனால்ட் டிரம்ப், கோல்ஃப் விளையாடுவதில் மிகுந்த ஆர்வம் கொண்டவர். விமானம் மற்றும் சொகுசு கார்களின் அற்புதமான தொகுப்பும் அவரிடம் உள்ளது. டிரம்பிற்கு 5 விமானங்கள் உள்ளன. அதே சமயம் இவரது கார் கலெக்ஷன் பற்றி கூறினால், அதில் ரோல்ஸ் ராய்ஸ் ராயல் சில்வர் கிளவுட் முதல் மெர்சிடிஸ் பென்ஸ் வரை நூற்றுக்கணக்கான சொகுசு வாகனங்கள் உள்ளன.

Read more ; 10 ஆம் வகுப்பு போதும்.. சத்துணவுத் திட்டத்தில் கொட்டிக்கிடக்கும் வேலைவாய்ப்பு..!! மிஸ் பண்ணிடாதீங்க..